Fari ya janyo karancin abinci a Madagascar

Hakkin mallakar hoto Getty Images

Image caption Fari ya janyo karancin abinci a Madagascar

Hukumar samar da abinci ta Majalisar Dinkin Duniya ta ce kimanin mutum 600,000 ne ke fama da matsanancin rashin abinci a kudancin kasar Madagascar.

Tsibirin teku na kudancin kasar na fama da fari tsawon shekara uku a jere. Amfanin gona ya lalace a yankin Androy.

Annobar sauyin yanayi ta El nino ta auka wa Madagascar, lamarin da ya haddasa karancin ruwa a kudancin Afirka.

Lamarin ya tilasta wa wani bangare na jama'ar kasar sayar da kadarorinsu da yin kaura wasu kuma sun dirfafi cin 'ya'yan itatuwan da ba a saba ci ba don su tsira.

Wasu manoma a kasar sun fara kokarin noma kayan abincin da ba sa bukatar ruwa sosai irin su Gero.