Hadarin jirgin kasa ya hallaka mutum 55 a Kamaru

Jirgin na dauke da mutane fiye da kima
Bayanan hoto,

Jirgin na dauke da mutane fiye da kima

Hukumomin kasar Kamaru sun tabbatar da mutuwar mutane 55 a wani mummunan hadari jirgin kasa da ya faru ranar Juma'a.

Haka ma sun ce wasu kusan 600 sun samu raunukka a cikin hadarin wanda ya faru lokacin da jirgin ya kauce hanya a yankin Eseka wanda ke tsakanin manya biranen kasar biyu - Douala da Yaounde.

Jirgin dai na kan hanyarsa ne ta zuwa birnin Douala daga babban birnin kasar wato Yaounde.

Kawo yanzu dai ba tabbatar da sanadin hadarin ba amma wakilinmu a kasar ta Kamaru ya ce an kiyasta cewa kimanin taragai 11 ne suka jirkice bayan da jirgin ya kauce hanya.