Kamfanin Shell ya rufe tashar Escravos a Nigeria

Yankin Nija Delta da ke kudancin Najeriya
Bayanan hoto,

Mazauna yankin Nija Delta sun sha korafin barnar da kamfanonin man fetur ke yi ga muhallinsu

A Najeriya, kamfanin mai na Shell, ya ce ya rufe tashar samar da iskar gas ta Escravos da ke yankin Nija Delta mai azrikin man fetur.

Sanarwar na zuwa ne sakamakon zanga-zangar da wasu mazauna yankin suka yi a ranar Laraba.

A cikin wani sakon email da ya aikewa manema labarai, kamfanin na Shell din ya ce zai cigaba da ayyukansa a Escravos din idan masu zanga-zangar sun watse.

Masu zanga zangar sun kwashe kwanaki takwas suna gudanarwa, inda suka yi korafin rashin ababem more rayuwa a yankin.