Ko kun san kasashen da mata ke da asusun banki fiye da maza?

Yadda mata ke ajiyar kudi a bankuna fiye da maza a wasu kasashen duniya Hakkin mallakar hoto AFP

Kasashen shidda ne kawai a duniya, inda mata su ka fi maza asusun banki.

Kasashen sun hadar da Ajentina da Jojiya da Indonesiya da Lawos da Mongoliya da kuma Philliphines.

Wani rahoto da Babban bankin duniya ya fitar ya nuna yadda mutane a sama da kasashe 140 ke da damar bude asusun banki ta hanyoyi daban daban.

Sama da mutane miliyan 500 ne ko kuma kashi 69 cikin 100 na manyan mutane ne ke da asusun banki a duniya, wanda adadin ya karu daga kashi 51 cikin 100.

A Indiya misali, kashi 83 cikin 100 na maza na da asusun banki inda kashi 77 cikin 100 na mata kuma ke da asusun banki.

Hakan ya nuna cewa a Indiyar maza ne ke kan gana wajen mallakar asusun banki.

A duka kasashen shidda, in ban da Laos, akwai yi wuwar cewa a na biyan mata ta hanyar aika kudi ta banki a wani tsari na gwamnati.

A Mongolia, kashi 43 cikin 100 na mata sun bayyana cewa ana biyansu kudi ta wannan hanyar fiye da kashi 24 cikin 100 na maza.

Sai dai kuma, matan na daina amfani da asusun da zarar gwamnati ta daina biyansu kudin bisa wasu dalilai.

Labarai masu alaka