Gasar Hikayata ta canza rayuwata – Gwarzuwar gasar
Na'urarku na da matsalar sauraren sauti

Gasar Hikayata ta canza rayuwata – Gwarzuwar gasar

Gwarzuwar Gasar Rubutun Kagaggun Labarai ta Hikayata ta 2017 Maimuna Idris Beli ta ce nasarar da ta samu ta sauya bangarori da dama na rayuwarta.

Maimuna Idris ta yi nasarar zama gwarzuwa ne a 2017 da labarinta mai suna "Bai Kai Zuci Ba".

"Shekara biyun da na yi bayan lashe wannan gasar sun rinjayi shekara 15 da na yi ina rubuce-rubuce ta fuskar tasiri a rayuwata. Ta dalilin wannan gasa an kara sanina sosai a duniya," in ji Maimuna.

"Sannan kuma na samu sauki wurin neman aiki bayan da na saka nasarar a takardata ta neman aiki (CV). Da zarar an zo kaina sai a ce ai za ta iya."