Jarumar Bollywood Reema Lagoo ta rasu

Hakkin mallakar hoto HUM SATH SATH HAIN (FILM)

Image caption Ana yi mata lakabi da uwar salman Khan ta fim

Jarumar Bollywood, wacce ta shahara da fitowa a matsayin "uwa abar kauna", ta mutu tana 'yar shekara 59.

Ta mutu ne ranar Laraba da daddare a asibitin birnin Mumbai bayan ta sha fama da ciwon bugun zuciya.

Tauraruwar sananniya ce wajen taka rawar zama uwa ga jarumai a fina-finai da shirye-shiryen gidajen talabijin.

Ta fito a manyan fina-finan kasar, kamar su Hum Aapke Hain Koun, da Kuch Kuch Hota Hai, da kuma Maine Pyar Kiya.

• Vinod Khanna ya rasu bayan gajeruwar jinya
• Bahubali 2: Fim ɗin da aka jima ba a yi kamarsa ba

Lagoo ta fara shirin fim ne a shekarun 1970, kuma nan da nan ta zama sananniyar mai taka rawa a matsayin uwa ga jarumai.

Ana yi mata lakabi da "uwar fim" ga sannanne jarumi Salman Khan, wacce take fitowa a matsayin mahaifiyarsa a mafi yawan fina-finai.

Ta fito a matsayin mahaifiyar Salman Khan a fim dinsa na farko, a shekara 28 da ta gabata, lokacin tana shekara 31.

Mutane na bayyana alhininsu a shafin sada zumunta na twitter.