An haramta wa Rooney tuka mota shekara biyu

An haramta wa Rooney tuka mota na tsawon shekara biyu
Image caption An haramta wa Rooney tuka mota na tsawon shekara biyu

Tsohon kyaftin din Ingila Wayne Rooney ya gurfana a gaban kuliya inda ake tuhumarsa da yin tuki cikin maye.

An kama shi ne a lokacin da 'yan sanda suka tsayar da motarsa a Wilmslow, a safiyar 1 ga watan Satumba.

An haramta wa dan kwallon mai shekara 31 yin tukin mota na tsawon shekara biyu, an kuma umarce shi da yin aikin baban-giwa na sa'a 100 ba tare da an biya shi ba, a matsayin cikon umarnin da kotun ta ba shi na yi wa al'ummarsa hidima.

Haka kuma an umarce shi da biyan fam 170 a lokacin da ya gurfana a kotun majistare a Stockport.

Labarai masu alaka