'Yan Israila na da 'yancin samun kasarsu - Yerima Salman

Yerima Mohammed ce 'yan Israila da Palasdinawa kowane na da 'yanci akan kasarsu Hakkin mallakar hoto Getty Images
Image caption Yerima Mohammed ce 'yan Israila da Palasdinawa kowane na da 'yanci akan kasarsu

Yarima mai jiran gadon Saudiyya Mohammed bin Salman ya amince cewa 'yan Israila na da 'yancin samun kasarsu.

A wani lamari da ya nuna sauyin matsayin Saudiyyar, Yerima Mohammed ya shaida wa mujallar Atlantic ta Amurka cewa 'yan Israila da Palasdinawa kowane na da 'yanci akan kasarsu.

A hukumance dai Saudiyya ba ta amince da kasar Israila ba, sai dai an dan samu kyautatuwar dangantaka ta bayan fage tsakanin kasashen biyu.

Kasashen biyu dai na kallon Iran a matsayin babbar barazana gare ta, baya ga mayakan kungiyoyi masu tada kayar baya.

A yanzu ana samun sauye-sauye a kasar Saudiya inda a baya kasar mai ra'ayin rikau ba ta cika tsoma baki ba cikin wasu harkokin yankin gabas ta tsakiya.

Labarai masu alaka