Sanata mai wakiltar Daura ya rasu, An tura dakaru na musamman Zamfara

Sanata mai wakiltar Daura ya rasu

Dan majalisar dattawa mai wakiltar mazabar Daura a jihar Katsina, Mustapha Bukar, ya rasu ne a safiyar ranar Laraba, kamar yadda iyalansa suka bayyana.

Shugaban Majalisar Dattawa Bukola Saraki ya bayyana a Twitter cewa "Marigayin ya ba da gudunmuwa sosai yayin da ake tattauna muhimman babutuwa a zauren majalisar".

An tura dakaru na musamman Zamfara

Rundunar sojin sama ta Najeriya ta ce ta aike da dakaru na musamman zuwa Gusau babban birnin jihar Zamfara.

Rundunar ta ce an dauki wannan mataki ne a kokarin da jami'an tsaro ke yi na dakile ayyukan barayin shanu masu hallaka jama'a.

Cutar Lassa ta kashe likita a Najeriya

Labarin mutuwar wata matashiyar likita ya janyo ce-ce-ku-ce a kafafan sada zumuntar Najeriya.

Likitar wadda ke neman kwarewar aiki ta mutu ne sakamakon kamuwa da cutar zazzabin Lassa, a wani asibitin koyarwa da ke Umuahia, babban birnin jihar Abia da ke gabashin Najeriyar.

Mace ta kori zaki da sanda don kare akuyarta

Wata matashiya a India ta tsallake rijiya da baya, bayan ta kori wani zaki da sanda saboda ya kai wa akuyarta hari.

Rupali Meshram, 'yar shekara 23 da haihuwa, ta ce bayan da ta ji akuyar ta na ihu, sai ta yi maza ta ruga ta nufi inda akuyar ta ke a wajen gidansu.

Kungiyar 'yan uwa Musulmi wadda aka fi sani da Shi'a ta bukaci gwamnatin Najeriya ta saki shugabansu Sheikh Ibrahim el-Zakzaky, yayin wata zanga-zanga da suka yi a Abuja ranar Laraba.

Fiye da shekara biyu ke nan gwamnatin Najeriya tana rike da jagoran kungiyar.

Bidiyo: 'Ibada da fim ne suka fi muhimmanci a wurina'

Karanta karin wasu labaran

Domin samun karin bayani da kuma tofa albarkacin bakinku a kan wadannan labaran, sai ku garzaya shafinmu na BBC Hausa Facebook.