Yara sun rayu bayan sun yi kwana 9 a kogon dutse a Thailand

Group of teenage boys with coach Hakkin mallakar hoto Facebook/ekatol
Image caption Wadansu daga cikin yaran tare da mai horas da su

An gano wadansu yara 'yan wasan kwallon kafa 12 da kocinsu bayan sun kawashe kwana tara a cikin wani kogon dutse mai cike da ruwa a kasar Thailand.

Wadansu masu aikin ceto 'yan kasar Birtaniya ne suka gano su bayan kwashe fiye da mako guda ana nemansu a wani da ke birnin Chiang Rai da ke arewacin kasar.

Iyalan yaran sun bayyana farin cikinsu bayan samun labarin gano yaran. Sai dai ba a kai ga fidda su daga cikin kogon mai zurfin kimanin mita 400.

Gwamnan yankin ya ce za a ci gaba da zuko ruwan da ke cikin kogon yayin da aka tura da likitoci don duba lafiyarsu.

Yaran wadanda shekarunsu suka kama daga 11 zuwa 16 sun je kogon ne a ranar 23 ga watan Yuni don yawon bude ido.

Masu aikin ceto suna kokarin kai musu abinci don su samu kuzari, kafin a ci gaba da yunkurin ceto.

Fiye ma'aikata fiye da 1000 ne suke aikin ceto wadanda suka fito daga kasashen China da Myanmar da Laos da, Australia da Amurka da kuma Birtaniya.

Labarai masu alaka