Guguwar Mangkhut ta tagayyara China

A policeman rescues a small girl in Hong Kong Hakkin mallakar hoto Getty Images
Image caption Guguwar ta afka wa Hong Kong gabanin isar ta China

Mahaukaciyar guguwar da ake yi wa lakabi da Mangkhut ta mamaye lardin da ya fi yawan mutane na kasar China, inda iska mai karfi ke gudun mita 100 cikin sa'a daya.

An sanya lardin Guangdong a cikin shirin ko-ta-kwana mafi girma saboda aukuwar guguwar, wacce tuni ta afka wa Hong Kong, inda ta rusa gine-gine mafiya tsawo.

Mutanen da suka mutu a Philippines sanadin mahaukaciyar guguwar sun kama daga 30 zuwa 49 - akasarin su sun mutu ne sakamakon zaftarewar kasar da ruwan sama ya haddasa.

Ana kallon Mangkhut a matsayin guguwa mafi karfi da ta faru a shekarar 2018.

Kafofin watsa labaran kasar sun ce guguwar ta yi tsanani a yankunan gabar teku da ke kusa da birnin Jiangmen ranar Lahadi da rana.

An kwashe dubban mutane daga Guangdong, kuma hukumomin yankin sun sanya dokar ko-ta-kwana mafi tsanani.

Hakkin mallakar hoto EPA
Hakkin mallakar hoto Reuters
Image caption Lardin Guangdong
Hakkin mallakar hoto EPA
Hakkin mallakar hoto EPA

Labarai masu alaka