An kama wani yaro da ya yi shigar mata ya je jarrabawa

An kama wani makadi mai azanci da ya yi shigar mata yayin wata jarrabawa a wata makarantar sakandire a Kenya.

Ya sanya kayan makarantar 'yan mata kuma ya ja hankalin sauran dalibai a lokacin da yake kida cike da fasaha, sabanin sauran daliban, a cewar jaridar Daily Nation ta kasar.

Ba a bayyana sunan yaron ba.

Lamarin dai ya faru ne a makarantar sakandiren 'yan mata ta Mukuyu da ke lardin Kakamega a yammacin Kenya.

Makadin dai dalibi ne a lardin Uasin Gishu da ke makwaftaka da Kakamega.

An kama shugaban makarantar da malamin da ke koyar da kida a makarantar.