Sheikh Ibrahim Khalil: Na raba gari da Gwamna Ganduje

Na'urarku na da matsalar sauraren sauti
Mun raba gari da Ganduje - Sheikh Ibrahim Khalil

A latsa alamar lasifika da ke kan hoton Sheikh Ibrahim Khalil domin sauraren cikakkiyar hirar da ya yi da BBC Hausa.

Sheikh Ibrahim Khalil mai bai wa gwamna Abdullahi Ganduje na jihar Kano a Najeriya shawara a kan ayyukan na musamman ya sanar da murabus daga mukaminsa.

Shaihin malamin ya fada wa wakilin BBC a Kano, Ibrahim Isa cewa bai bayyana dalilinsa na ajiye aikin ba, saboda yana son mutane su yi amfani da hankalinsu wajen gane nufinsa.

Amma ya ki amincewa da maganganun da ake yi cewa ya ajiye mukaminsa ne saboda zargin da ake wa gwamnan Kano da aikata laifukan ci hanci da rashawa.

Sheikh Khalil ya ki fada wa BBC ko zai bayyana dalilan nasa nan gaba.

Ya ce ba zai ce uffan ba ne saboda batun na gaban shari'a:

"Haramun ne malami yayi fatawa akan wata matsala da ke gaban alkali."