BBC Hausa: Ƙa'idojin shiga Gasar Hikayata 2023

Gasar Rubutun Ƙagaggun Labarai ta Mata ta BBC Hausa, Hikayata.

Ƙa'idojin Shiga Gasar:

1.Dole ne duk wani labari da za a turo da nufin shiga gasar Hikyata ya cika waɗannan sharuɗɗan:

1.1.Dole ne labarin ya kasance gajere da bai haura kalma 1,000 zuwa 1,500;

1.2.Wajibi labarin ya kasance mace ce ko mata ne suka rubuta shi;

1.3.Lallai ne labarin ya kasance cikin ingantacciyar Hausa, da bin duka ƙa'idojin rubutu;

1.4.Wajibi ne mai turo da labarin ta kasance ta kai shekara 18 da haihuwa ko sama da haka. Ga masu turo da labarin haɗin guiwa, wajibi ne ko waccensu ta kasance shekararta 18 ko sama da haka;

1.5.Dole ne wadda za ta turo da labarin ta zama ita ce ainihin wadda ta rubuta shi; ba a yarda wata ta aiko da labarin da wata ko wani suka rubuta ba;

1.6.Mata biyu za su iya shigar da labari ɗaya a gasar, amma kada su wuce haka;

1.7.Ba a yarda mace ɗaya ta aiko da labari fiye da ɗaya ba;

1.8.Bai kamata rubutun ya ƙunshi wasu kalmomi da suka shafi batsa ba, ko yaba wa ta'addanci, ko ɓata wa yara ko kuma wasu gungun al'umma suna ba;

1.9.Matakin da alƙalai za su dauka a kan cancantar labarin da aka turo shi ne na ƙarshe. Ba za a iya ƙalubalantar hukuncin ba. BBC za ta watsa wasu daga cikin labaran da aka zaɓa a shirye-shiryenta, kuma za ta yi hakan ne da izinin masu rubutun. Za kuma a iya wallafa wasu daga cikin labaran a wani littafi, wanda kawo yanzu ba a tabbatar da yadda zai kasance ba, kuma hakan zai dogara ne da amincewar BBC. Ba tilas ba ne BBC ta watsa ko ta wallafa kowanne daga cikin labaran da aka turo.

2. Shigar da Labari:

2.1.Za a aiko da labaran ne ta email zuwa ga: labari.bbchausa@bbc.co.uk tare da waɗannan bayanai na mai aikowar:

Muna roƙo kada a aiko da duk wani 'bayanin sirri' kamar bayani kan cututtuka da ake fama da su ko naƙasa. Akwai ƙarin misalan abin da ake nufi da bayanan sirri a wannan shafin na ICO: https://ico.org.uk/for-organisations/guide-to-data-protection/guide-to-the-general-data-protection-regulation-gdpr/lawful-basis-for-processing/special-category-data/

2.2. Ba za a karɓi duk wani labari da bai cika waɗannan sharuɗɗa ba.

2.3. Ba a yarda ma'aikatan BBC ko 'yan uwansu su shiga wannan gasa ba.

2.4. BBC za ta yi aiki da duk wani bayani da mai shiga gasar ta aiko game da kanta kaamr yadda yake a kunshe a nan Dokar Kare sirrin bayanai ta BBC

2.5. Ba a yarda marubutan da suka yi zarra a gasar baya su shiga ta bana ba.

3. An buɗe shiga gasar da ƙarfe 12:01 agogon GMT ranar 1 ga watan Yunin 2023.

4. Za a rufe karɓar labarai ranar 20 ga watan Agusta 2023 da ƙarfe 11.59 agogon GMT. Duk wacce ta aiko da labarinta bayan nan ba za a karɓa ba.

Za ki ga saƙon godiya bayan kin aiko da labarinki. Sai dai kuma saboda yawan saƙonnin da muke samu, ba zai yiwu mu amsa tambaya game da ko wanne labari ba.

5. Wajibi ne labarin da za a aiko ya kasance aikin wadda ta turo da shi, kuma ya dace da ƙa'idojin da aka shimfiɗa. Kada labarin ya shiga haƙƙin wani (wanda ya haɗa da bayanan sirri), kuma kada a ɓata wa wani suna ko a aikata abin da ya saɓa wa doka.

BBC ba za ta ɗauki alhakin komai ba idan masu shiga wannan gasa suka yi biris da waɗannan ƙa'idoji, sannan kuma masu shiga gasar sun amince su bai wa BBC cikakkiyar kariya daga duk wani iƙirari da wani zai yi sakamakon yin karan-tsaye ga waɗannan ka'idoji.

6. Idan aka zaɓi labari ya kai mataki na gaba, to za a nemi wadda ta turo da shi ta cike wani fom wanda zai bai wa BBC damar watsa labarin, za kuma a iya buƙatar marubuciyar ta naɗi labarinta domin a watsa. Idan BBC ta yanke shawarar wallafa littafi mai ɗauke da wasu daga cikin labaran da aka zaɓa, fom din zai ba ta damar sanya labarin a cikin littafin.

Waɗanda suka yi ta ɗaya, da ta biyu, da ta uku ne kawai za su samu kyauta: N1,000,000 (naira miliyan daya) da lambar yabo ga labarin da ya zo na ɗaya; N750,000 (naira dubu dari bakwai da hamsin) da lambar yabo ga labarin da ya zo na biyu; da N500,000 (naira dubu dari biyar) da lambar yabo ga labarin da ya yi na uku. Za kuma a ambaci marubuta waɗansu labaran waɗanda suka cancanci yabo.

7. Duk wacce ta turo da labarinta, to ta amince kenan ta yi aiki da sharuddan da wadannan ka'idoji suka gindaya.

8. Matakin Farko - Tantancewa

A cikin ma'aunin da za a yi amfani da shi don tantance labaran da aka turo akwai:

9. Wasu kwararru za su tantance dukkan labaran bisa ƙa'idojin da aka shimfida, sannan su zaɓi labarai 25.

Daga nan za a miƙa labaran da aka zaɓa ko aka tantance ga alƙalan gasar. Za a sanar da waɗanda aka zaɓi labaransu.

10. Mataki na Biyu - Matakin Alƙalanci da zaben labarin da ya yi zarra

10.1. Alƙalan za su karanta su kuma tattauna kan labaran.

10.2. Za a sanar da marubuta ukun da labaransu suka yi zarra a watan Octoba 2023.

11. Hukuncin alƙalan shi ne na ƙarshe. Ba za a tuntuɓi waɗanda ba su yi nasara ba kuma ba za a mayar musu da amsa kan labaran da suka turo ba.

12. BBC ka iya gayyatar waɗanda suka yi nasara da wasu waɗanda labaransu suka cancanci yabo, domin halartar taron bayar da kyaututtuka a Abuja. (BBC za ta ɗauki nauyin kuɗin mota da masauki wanda bai wuce ƙima ba. Waɗanda aka gayyata su ne ke da alhakin nema wa kansu izinin shiga Najeriya idan su ba 'yan kasar ba ne).

13. BBC na da ikon soke ko cire dukkan labarin da ya saɓa wa ko wanne daga cikin waɗannan ƙa'idojin.

14. BBC na da ikon sauya waɗannan ƙa'idojin a kowanne lokaci, ciki har da sauya hanyoyin zaɓen ko kuma alƙalan. Idan hakan ta kasance, to za a sanar a wannan shafin na intanet: bbchausa.com.

15. An tsara waɗannan Ƙa'idojin ne bisa tanade-tanaden dokokin Ingila da Wales.

Sanarwa Game Da Tsare Sirrin Masu Shiga Gasar Hikayata Ta BBC Hausa

Yardarki na da muhimmanci a garemu. Wannan na nufin cewa BBC ta ɗaura ɗamarar kare bayananki. Yana da muhimmanci ki karanta wannan sanarwar don sanin yadda muke amfani da bayananki da kuma dalilin da ya sa muke amfani da su.

Wannan sanarwa ta kunshi yadda muke karɓa da amfani da bayananki a yayin da kuma bayan mu'amalarki da mu, kamar yadda dokar tsare sirri ta tanada.

Abin da ya sa muke karɓar bayananki da kuma yadda za ki shiga

Hikayata gasa ce ta ƙagaggun gajerun labarai wadda ke samar da dama ga mata marubuta, waɗanda ba su ƙware ba da kuma ƙwararru, don nuna fasaharsu da ba da damar karanta labaransu a harshen Hausa. Dole ne labaran da za a shiga su kasance ƙagaggun labarai kan wani jigo.

Mata biyu na iya haɗa gwiwa su shigar da labari guda amma ka da su haura mata biyu, kuma labari ɗaya kacal mace za ta iya shigarwa. Wata tawagar alƙalai waɗanda ba ma'aikatan BBC ba ne, da ta ƙunshi malaman jami'a za su zaɓi gwarzuwa ɗaya da labarinta ya yi nasarar yin na ɗaya sannan za su zaɓi ta biyu da ta uku. Kafin tura wa alƙalan labaran don tantancewa za a cire duk wani bayani dangane da mai shiga gasa kuma ba za a aika masu ko wane irin bayani kan masu shiga gasar ba.

Waɗanda suka yi ta ɗaya, da ta biyu, da ta uku ne kawai za su samu kyauta: N1,000,000 (naira miliyan daya) da lambar yabo ga labarin da ya zo na ɗaya; N750,000 (naira dubu dari bakwai da hamsin) da lambar yabo ga labarin da ya zo na biyu; da N500,000 (naira dubu dari biyar) da lambar yabo ga labarin da ya yi na uku. Za kuma a ambaci marubuta waɗansu labaran waɗanda suka cancanci yabo.

BBC za ta watsa labarai 12 da alƙalan suka ce sun cancanci yabo da guda ukun da suka yi nasara a tasharta ta BBC Hausa. Duka labaran da aka naɗa za su ƙunshi sunan labarin da sunan marubuciyar. Ma'aikatan BBC Hausa za su karanta labaran da suka cancanci yabo cikin mako 12. Waɗanda suka yi nasara za su karanta labarinsu gaba ɗaya da kansu a ɗakin gabatar da shirye-shirye na BBC.

Za a watsa karatun labaran da aka naɗa a tashar BBC Hausa da tashoshin rediyo na abokan hulɗarmu Freedom Rediyo da Rediyo Gotel da Rima Rediyo da ma wasu.

Za a wallafa kuma a watsa muryoyin marubutan da labaransu suka yi nasara a gasar da aka naɗa da sunan marubutan, a shafin BBC Hausa na intanet da BBC Hausa Rediyo da shafukan sada zumunta na BBC kamar Twitter da Instagram da Facebook.

BBC ka iya gayyatar waɗanda suka yi nasara da wasu waɗanda labaransu suka cancanci yabo, domin halartar taron bayar da kyaututtuka a Abuja. BBC za ta ɗauki nauyin kuɗin mota da masauki wanda bai wuce ƙima ba. Waɗanda aka gayyata su ne ke da alhakin nema wa kansu izinin shiga Najeriya.

Tawagar BBC Hausa za ta karɓi bayananku don Gasar Gajerun Ƙagaggun Labarai ta Mata. Tawagar BBC Hausa za ta amsa bayanaku ta adireshin email da shafin inatnet da BBC ke amfani da shi. Idan muka watsa labarinki, yana iya kasancewa a shirye-shiryen da ake adanawa a intanet kuma ana iya amfani da labarin naki a shirye-shiryenmu na gaba.

Me muke karɓa kuma ta yaya za mu yi amfani da shi?

Sai shekarunki sun kai 18 ko sun haura za ki iya shiga gasar. BBC za ta karɓa kuma ta yi aiki da bayanan da suka shafe ki waɗanda kika aiko mana. Dole ne a aika duka labarai zuwa: labari.bbchausa@bbc.co.uk kuma dole ya ƙunshi waɗannan bayanan kan marubuciya/marubuta:

Idan aka zaɓi labarinki, BBC na da ikon buƙatar ganin shaidar shekarunki don tabbatar da cewa kin cika sharuɗɗan shiga gasar. Idan aka buƙaci ganin shaidar shekarunki, za a yi haka ne ta hanyar gani da ido.

Waye Mai Sarrafa da Bayanai?

BBC ce 'sarrafa bayanai' da kika aiko. Hakan na nufin cewa BBC za ta yanke shawarar abin da za ta yi da bayananki, da hanyoyin da za a yi amfani da su. Don guje wa shakku, za a karɓi bayananki kuma a yi amfani da su bisa dalilin da aka tsara a bayanan tsare sirrinki kawai.

Sarrafa bayananki kan ƙa'ida

BBC ta dogara ne kan buƙatunta da ke bisa ƙa'ida a matsayinta na kafar yaɗa labarai don sarrafa bayananki wajen shiga gasar, da bibiyar gawarazan gasar da mu'amala da masu bibiyarmu. A wajen dogaro da buƙatunta da ke bisa ƙa'ida don sarrafa waɗannan bayanan, BBC za ta daidaita buƙatunta wajen tallata wannan gasa tare da kare bayanan sirrinki.

Muna aika wa wasu a wajen BBC bayananki?

Idan kika shiga gasar, BBC za ta aika bayananki zuwa wani shafin sarrafa bayanai da BBC ta saba amfani da shi, wanda kuma zai samar wa BBC wurin da zai taimaka mana mu gudanar da gasar. Muna tabbatar da cewa shafin da za mu yi amfani da shi yana da ƙa'idojin da suka dace wanda zai tabbatar da cewa ba za su iya yin komai da bayananki ba sai idan mun ba su umarnin yin haka.

Ba za mu yaɗa bayananki da wani ko wasu ba har sai idan doka ta ba mu izinin yin haka.

Adana bayananki

Idan labarin da kika aiko bai yi nasara ba, BBC za ta adana bayananki da abin da kika aiki har tsawon wata shida daga ranar da kika ɗora bayanan, daga nan kuma za a goge shi. Idan aka sanya labarinki cikin waɗanda suka kai mataki na gaba ko kuma ke ce kika yi nasara, za mu adana bayananki har tsawon shekara biyu bayan an rufe gasar.

Idan kika kai mataki na gaba ko kuma ke ce tauraruwar gasar, sannan muka wallafa labarinki tare da sunanki, to BBC za ta adana bayananki har abada saboda dalilai na aiki. Za a adana bayananki a tarayyar Turai da Birtaniya da Amurka.

Haƙƙoƙinki da ƙarin bayanai

Kina da haƙƙoƙi ƙarƙashin dokokin kare bayanai. Za ki iya neman kwafin bayananki da BBC ta adana.

Kina da ƴanci ki nemi a goge bayananki da muka karɓa sai dai akwai iyakoki da togaciya kan wannan ƴancin, abin da zai sa BBC ta ki amincewa da buƙatarki.

A wasu lokutan, kina da ƴanci ko taƙaita ci gaba da amfani da bayaninki ko ki nuna rashin amincewa da ci gaba da neman bayananki.

Kina da ƴancin ki nemi mu tura miki bayananki ko wata hukumar, a wasu lokutan.

Za ki iya tuntubar Ofishin Kare Bayanai a dataprotection.officer@bbc.co.uk idan kina da tambaya, idan kuma kina so ki samu ƙarin bayanai a kan ƴancinki, ziyarci sashin Bayanan Sirri na BBC da Ka'idojin Kare Bayanai a Dokar Kare sirrin bayanai ta BBC

Idan kina da wata damuwa kan yadda BBC take mu'amala da bayananki na sirri, za ki iya bayyana damuwarki da hukumomin da suke sa ido a Birtaniya, wato Ofishin Kula da Bayanai (ICO) https://ico.org.uk/.

Sanarwa kan sabunta wadannan bayanai

Za mu sabunta waɗannan bayanai idan akwai gagarumin sauyi kan yadda muke amfani da bayananki.