Yaushe Buhari zai bai wa ministoci ofisoshi domin fara aiki?

President Buhari Hakkin mallakar hoto Twitter/@BashirAhmaad

'Yan Najeriya da dama sun ta zumudi da hasashen cewa a ranar Larabar nan ne Shugaba Buhari zai bayyana ma'aikatun da ministocin da majalisar dattawa ta tantance za su yi aiki a ciki.

Shugaban Najeriya Muhammadu Buhari dai ya yaba wa majalisar dattawa bisa yadda suka gaggauta tantance sunayen ministocin da ya aike masu makon da ya gabata.

'Yan majalisar dokokin dai sun kammala tantance ministocin guda 43 a cikin kwanaki biyar wato daga ranar Larabar makon da ya gabata zuwa Talatar wannan makon.

Majalisar dattawan ta dage tafiya hutunta na shekara da ya kamata ta fara a ranar Alhamis din da ta gabata.

A wata sanarwa da fadar shugaban ta fitar ranar Talata, Shugaba Buhari ya ce yana fatan kafa majalisar zartarwa nan ba da jimawa ba wato hakan na nufin rarraba ma'aikatu ga ministocin.

Ya ce: "Na gamsu da yadda majalisar dattawa ta amince da ministocin da na aike mata ta yadda suka gaggauta aikin tantancewar"

"'Yan Najeriya na son ganin sakamako kuma da wadannan sunayen ministocin muna da karfin gwiwa cewa za mu fitar da jaki daga duma. Zan bai wa kowane minista daga ciki ma'aikatar da zai yi aiki bayan rantsar da su yayin zaman majalisar zartarwa."

A ranar Larabar nan ne ake sa ran Shugaba Buharin zai sanar da ma'aikatu ga ministoci a yayin zaman majalisar zartarwa da aka saba yi duk Laraba.

Daga cikin ministocin da aka tantance dai guda 43 bakwai ne mata, inda 12 daga cikinsu suka samu damar dawowa.

Jerin sunayen ministoci

1. Chris Ngige

2. Hadi Sirika

3. Rotimi Amaechi

4. Festus Keyamo

5. Uche Ogah

6. Emeka Nwajuiba

7. Sadiya Farouk

8. Musa Bello

9. Babatunde Fashola

10. Godswill Akpabio

11. Sharon Ikeazor

12. Ogbonnaya Onu

13. Akpa Udo

14. Adebayo (Ekiti)

15. Timipre Sylva

16. Osagie Ehimere

17. Lai Mohammed

18. Baba Shehuri (Borno)

19. Isa Pantami

20. Gbemi Saraki

21. Ramatu Tijani

22. Clement Abam

23. George Akume

24. Sunday Dare

25. Geofrey Onyeama

26. Tayo Alasaodura

27. Olorunminbe Mamora

28. Mohammed Abdullahi

29. Adamu Adamu

30. Maryam Katagun

31. Zainab Ahmed

32. Sabo Nano

33. Zubair Dada

34. Paullen Tallen

35. Abubakar Aliyu

36. Sale Mamman

37. Abubakar Malami

38. Muhammed Mamood

39. Mohammed Adamu

40. Rauf Aregbesola

41. Mustapha Buba Jedi Agba

42. Olamilekan Adegbite

43. Mohammed Dangyadi

Sunayen tsaffin ministoci 12 da suka dawo

  1. Hadi Sirika
  2. Chris Ngige
  3. Rotimi Amaechi
  4. Babatunde Fashola
  5. Ogbonnaya Onu
  6. Lai Mohammed
  7. Adamu Adamu
  8. Geofrey Onyema
  9. Zainab Ahmed
  10. Osagie Ehimere
  11. Abubakar Malami
  12. Baba Shehuri

Adadin mata a mukamin minista a Najeriya?

Labarai masu alaka