Ganduje ya nada Aminu Ado Bayero sabon sarkin Kano

Aminu Ado Instagram

Asalin hoton, Aminu Ado Instagram

An nada Aminu Ado sabon sarkin Kano.

Sakataren gwamnatin jihar Kano, Alhaji Usman Alhaji ne ya sanar da hakan a wani taron manema labarai a gidan gwamnati ranar Litinin, jim kadan bayan sauke Sarki Sanusi II.

Gabanin nadin nasa shi ne sarkin sabuwar masarautar Bichi da Gwamna Ganduje ya kirkira a shekarar 2019.

Aminu Ado Bayero wanda da ne ga marigayi Sarki Ado ya zama sarki na 15 a jerin Sarakunan Fulani na Kano.

Ya rike mukamai da dama a Masarautar Kano da suka hada da Turakin Kano da Sarkin Dawakin Tsakar Gida da kuma Wamban Kano.

Shi ne da na biyu babba a maza ga marigayi Sarki Ado Bayero.

Karin labarai masu alaka