Got a TV Licence?

You need one to watch live TV on any channel or device, and BBC programmes on iPlayer. It’s the law.

Find out more
I don’t have a TV Licence.

Takaitacce

  1. 'Yan sanda sun kama wasu 'yan bangar siyasa
  2. Kolapo Olusola-Eleka ne dan takarar gwamnan na jam'iyyar PDP
  3. Kayode Fayemi, shi ne ya tsaya takara a jam'iyyar APC
  4. Takarar za ta fi mayar da hankali ne tsakanin jam'iyyar PDP da APC

Rahoto kai-tsaye

Daga Abdulwasiu Hassan da Umar Shehu Elleman

time_stated_uk

Sai an jima

A nan ne dai muka kawo karshen labarai da sharhin da muke kawowa a wannan shafin. Ku ci gaba da kasancewa da bbchausa.com domin samun labarai da rahotanni game jihar Ekiti da ma duniya baki daya.

An fara kammala kirga kuri'u

zaben
Twitter/INEC
Irin wadannan hotunan ne hukumar ta INEC take wallafawa a shafinta na Twitter

A wasu rumfunan zaben jihar Ekiti an fara kammala kirga kuri'u. Kuma mutane suna yayata sakamakon kirgne nan a shafukan sada zumunta.

Sai dai kuma hukumar zabe ta INEC, wadda ta ke da hurumin, sanar da sakamakon zaben ba ta fara bayyana sakamakon ba kawo yanzu.

Ana kirga kuri'u a Ekiti

Ana kirga kuri'u a zaben gwamnan jihar Ekiti.

View more on twitter

An fara kirga kuri'u a wasu mazabu a Ekiti

Kuri'a
Facebook/BalaIbrahim

An fara kirga kuri'u a wasu mazabu a jihar Ekiti.

Masu nakasa ma sun fiti kada kuri'a

View more on twitter

Hukumar zabe ta INEC ta wallafa hoton wani nakasasshe da ya fita domin kada kuri'arsa.

INEC za ta fara kirga kuri'u a karfe biyu

Akwatin zabe
BBC

Wasu rumfunan zabe sun kammala kada kuri'a a halin yanzu yayin da wasu ci gaba da kada kuri'a.

Hukumar INEC ta yi shelar cewar za a daina kada kuri'u da misalin karfe biyu na rana agogon Najeriya.

Fayose na zargin jami'an tsaro da kwace lamuran zabe

Gwamnan jihar Ekiti, Ayo Fayose, ya yi zargin cewar jami'an tsaro sun kwace zaben gwamnan jihar daga jami'an hukumar zabe ta INEC.

Ya kuma yi ikirarin cewar shi ne kawai mai yakinin kan samun kashi 80 cikin 100 na kuri'un jihar.

Fayose
Getty Images

Fayose ya kada kuri'a

Fayose ya kada kuri'arsa a Afao Ekiti
BBC
Fayose ya kada kuri'arsa a Afao Ekiti

Gwamnan jihar Ekiti, Ayo Fayose, ya kada kuri'arsa a garin Afao Ekiti.

'Yan sanda sun kama 'yan bangar siyasa

Rahotanni na cewa 'yan sandan kwantar da tarzoma sun kama 'yan bangar siyasa wadanda suka saci akwatin zabe a Emure da Ado Ekiti.

'Yan sandan sun tafi da wadanda ake zargin zuwa Ado Ekiti.

Sai dai kuma 'yan sandan sun goge hotunan wannan lamarin da wakilin BBC ya dauka.

Segun Oni ya yi magana kan masu karbar kudi

Segun Oni
BBC

Tsohon gwamnan jihar Ekiti kuma jigo a jam'iyyar APC, Olusegun Oni, ya ce duk wanda ya bayar da katinsa domin kudi ba zai iya kalubalantar yadda ake tafiyar da mulkin jihar ba.

Olusegun Oni ya yi wannan maganar ne a lokacin da yake zantawa da manema labarai bayan ya kada kuri'arsa a runfar zaben da ke mazabarsa.

Ya kara da cewar ana ci gaba da zaben yadda ya kamata duk da tangardar da ake samu da na'urar tantance katin zabe.

'Yan daba sun ture akwatin zabe

'Yan daba sun ture akwatin zabe a Emure Ekiti.

'Yan sanda sun ce suna neman 'yan daban da suka ture akwatin zabe a runfar zabe ta shida a Emure Ekiti.

Ekiti
BBC
Ekiti
BBC

An ba da kudi a gaban wakilinmu

Ekiti
BBC

A daya daga cikin rumfunan zaben da wakilinmu ya ziyarta, ya ga an raba kudi yayin da ake zabe lamarin da ya saba wa dokar zaben Najeriya.

Sai dai kuma ba zai iya tantance ko jami'in wace jam'iyya ne ya bayar da kudin ba.

Mun sami rahotannin wasu matsaloli — Fayemi

Fayemi
BBC

Dan takarar gwamna a karkashin jam'iyyar APC, Kayode Fayemi, ya ce shi ya samu rahotanni wasu matsolli na rashin aikin na'urar tantance katin zabe daga wasu wakilan jam'iyyarsa.

Da yake magana da manema labarai bayan ya kada kuri'arsa, Fayemi ya ce bayan zaben ne dai zai iya fitar da cikakken bayani game da matsalolin da jam'iyyarsa ta gani game da zaben.

Sojoji suna yawo a babban birnin jihar Ekiti

sojoji
BBC
sojoji
BBC

Wakilin BBC ya ga wucewar sama da motoci 20 dauke da sojoji a fadar jihar Ekiti, Ado Ekiti.

Wakilin na BBC ya ga wadannan sojojin ne a hanyar da ake ce wa Oja Oba.

Dan takarar PDP ya kada kuri'a

Eleka
BBC
Dan takaran jam'iyyar PDP Tunde Eleka ya kada kuri'arsa

Dan takarar jam'iyyar PDP mai mulki, Tunde Eleka, ya kada kuri'arsa kuma ya yi ikirarin cewar 'yan sanda na kallo a lokacin da 'yan jam'iyyar adawa ta APC ke bayar da kudi ga masu zabe.

Tun jiya Juma'a ne dai rahotanni ke cewa duka jam'iyyun na bayar da kudi ga amsu zabe a zaben da ake yi ranar Asabar.

Fayemi ya yi zabe

Fayemi
BBC

Dan takarar jam'iyyar APC a zaben, Kayode Fayemi, ya yi zabe.

Ra'ayin mai zabe

Daya daga cikin masu zaben, Abdulazeez, ya shaida wa Umar Shehu Elleman cewar koma na tafiya daidai ba tare da wata matsala ba.

Kalli ra'ayin wani mai zabe a jihar ta Ekiti

Tsaffi na cikin masu zabe

Har da tsaffi
BBC

A zaben dai da ake yi, ba a bar tsaffi a baya ba. Sun fito domin kada kuri'unsu.

Na'urar tantancewa ta ba gane dan takarar PDP ba

Oluṣọla Eleka kó tó dìbò
BBC
Oluṣọla Eleka kafin ya yi zabe

Rahotannin sun ce na'urar tantancewa ba ta gane yatsar dan takarar PDP, Oluṣọla Eleka, ba.

Sai dai kuma matarsa ta yi zabe ba tare da wata matsala ba.

Barka da shigowa

Tuni dai aka fara zabe
BBC

Jama'a, barkanku da shigowa wannan shafin inda za mu kawo muku labarai da sharhi game da yadda jam'iyyu talatin da biyar ciki har da PDP da kuma APC ke fafatawa wajen zaben gwamnan jihar ta Ekiti.