Got a TV Licence?

You need one to watch live TV on any channel or device, and BBC programmes on iPlayer. It’s the law.

Find out more
I don’t have a TV Licence.

Rahoto kai-tsaye

Daga Awwal Ahmad Janyau da Haruna Shehu Tangaza

time_stated_uk

  1. Allah Ya jikan Shehu Shagari

    A nan muka kawo karshen bayanai kai-tsaye da muke kawo maku game da jana'izar tsohon shugaban Najeriya Alhaji Shehu Aliyu Shagari wanda ya rasu a ranar Juma'a 28 ga watan Disamban 2018.

    An binne shi ne a mahaifarsa garin Shagari a jihar Sakkwato.

    Marigayi tsohon shugaban Najeriya Alhaji Shehu Shagari
  2. Kalli bidiyon kabarin Shehu Shagari

    Mutane da dama ne ke zuwa suna wa kabarin tsohon shugaban na Najeriya addu'a.

    Video content

    Video caption: Kalli bidiyon kabarin marigayi Shehu Shagari
  3. Yadda gidan Shagari ya cika da mutane

    Gidan marigayin a garin Shagari ya cika makil da mutane da ke zuwa gaisuwar ta'aziya.

    Jana'izar Shehu Shagari
    Jana'izar Shehu Shagari
    Jana'izar Shehu Shagari
    Jana'izar Shehu Shagari
    Jana'izar Shehu Shagari
  4. Sakon da muka samu

    SMS Message: Ina tunawa da marigyayi Shehu Shagari a duk lokacin da naga ko naji an ambaci sunan wani mutun dan asalin garin Shagari. dafatar Allah ya jikansa da rahama ameen. from Sako daga Nafisa Nasiru Aliyu Bukkuyum
    Sako daga Nafisa Nasiru Aliyu Bukkuyum
  5. Sakon da muka samu

    SMS Message: Hakika Najeriya tana cikin alhinin rashin tsohon shugaban kasa Shehu Shagari, muna addu'a Allah Ya ji kansa Ya ba wa iyalansa hakurin rashinsa. from Fiddausi Ibrahim Na'ibawa
    Fiddausi Ibrahim Na'ibawa
  6. Inda aka binne Shehu Shagari

    An binne gawar tsohon shugaban na Najeriya a mahaifarsa garin Shagari a jihar Sakkwato bayan ya rasu a ranar juma'a 28 ga watan Disamban 2018 a asibitin kasa a Abuja.

    Kabarin Marigayi Shehu Shagari
    Kabarin Marigayi Shehu Shagari
  7. Bidiyon yadda aka yi wa Shagari Sallar Jana'iza

    An fara sallar jana’izarsa ne da misalin karfe uku na rana a gidansa da ke Shagari.

    Dubban masu alhini ni ne daga sassa daban-daban suka yi wa gawar addu’a a yayin sallar ta tsawon mintuna biyu.

    Daga cikinsu akwai tawagar gwamnatin kasar wadda ta kunshi ministoci da kuma sakataren gwamnatin kasar Boss Mustapha wanda ya jagorance ta.

    Haka ma gwamnonin Sakkwato da Kebbi da kuma Zamfara na daga cikin wadanda suka halarci jana’izar.

    Daga nan aka dauki gawar domin binne ta a wani kabari da aka haka a wani bangare na katafaren gidansa a yayin ‘ya’ya da jikokin da makusanta ke sharbar hawaye.

    Lokaci ne dai mai sosa rai ga wanda ya gani.

    Bayan da aka kammala binne gawar tsohon shugaban wata tawagar sojojin kasar ta zagaye kabarin domin yi bankwanan ban-girma. Sun yi harbi sau ukku a sama zagaye da kabari tsohon shugaban wanda ya shugabanci kasar a shekarun 70-80.

    Video content

    Video caption: Yadda aka yi wa Shagari Sallar jana'iza
  8. Kalli bidiyon yadda aka shiga da gawar Shagari

    Yadda aka shiga da gawar marigayi Shehu Shagari domin sallar Jana'iza a mahaifarsa da ke Shagari

    Video content

    Video caption: Yadda aka shiga da gawar Shagari don Sallar Jana'iza
  9. Yadda aka yi wa gawar Shagari sallar Jana'iza

    Jana'izar Shehu Shagari
    Jana'izar Shehu Shagari
  10. Sakon da muka samu a Facebook

    SMS Message: Rai Bakon Duniya Allah Jikan, Tsohon Shugaban Najeriya, Alhaji Shehu Usman Shagari. from Sako daga Mustapha Salisu Gusau
    Sako daga Mustapha Salisu Gusau
  11. Kalli bidiyon yadda gawar Shagari ta iso Sakkwato

    Shehu Shagari ya rasu

    Video content

    Video caption: Kalli bidiyon yadda gawar Shagari ta iso Sakkwato.
  12. An kammala sallar Janaiza

    Ana shirin binne marigayi tsohon shugaban Najeriya Alhaji Shehu Aliyu Shagari a mahaifarsa garin Shagari a Sakkwato

  13. Yadda mutane suka cika gidan Marigayi Shagari

    Jana'izar Shehu Shagari
    Jana'izar Shehu Shagari
    Jana'izar Shehu Shagari
  14. Sakon da muka samu daga Facebook

    SMS Message: Hakika Mutuwar Alhaji Shehu Shagari babban Rashi ne Ga kasar Nigeria Baki Daya. Ya Allah Ka gafarta wa Alhaji Shehu Shagari. Sannan Muma Idantamu Ta zo Ya Allah Kasa Mu cika Da kyau Da Imani from Sako daga Haris Alkanawii GoranMaje
    Sako daga Haris Alkanawii GoranMaje
  15. Sakon da muka samu a Facebook

    SMS Message: Halin mutum jarin sa: hakika dukkan al'ummar Najeriya na cikin alhinin mutuwar Shehu Shagari saboda kamanta mulkin adalci da ya yi a kasar nan, Allah ya jikansa ya sa mutuwa hutu ce a gare shi. from Sako daga Adamu Aliyu Amo Katsina
    Sako daga Adamu Aliyu Amo Katsina
  16. Gawar Shagari ta isa mahaifarsa garin Shagari

    Daruruwan mutane ne suka taru suna jiran isowar gawar tsohon shugaban Najeriya Shehu Shagari domin yi ma sa Sallar Jana'iza a mahaifarsa garin Shagari.

    Jana'izar tsohon shugaban Najeriya Shehu Shagari
    Jana'izar tsohon shugaban Najeriya Shehu Shagari
    Jana'izar tsohon shugaban Najeriya Shehu Shagari
  17. Sarautar Turakin Sakkwato

    Shehu Shagari ya rasu

    Wani matsayi da Alhaji Shehu Shagari ya rike har karshen rayuwarsa shi ne na Turakin Sakkwato.

    Babban wakili ne a majalisar koli ta fadar Mai martaba sarkin Musulmi .

    Tun a shekarar 1962 ne aka ba shi wannan mukamin wanda kuma ya rike har ranar da ya koma ga mahaliccinsa.

    Malam Bello N. Junaidu, shugaban cibiyar bincike da adana tarihin daular Sakkwato ya yi wa Haruna Shehu Tangaza Karin bayani game da sarautarsa ta Turaki da kuma irin gudummuwar da ya bayar ga ci gaban masarautar ta Sarkin musulmi:

    Ya ce an ba shi sarautar ne a matsayin jagoran ilimi, kuma garkuwa ga ilimi a masarautar Sarkin Musulmi.

    Sannan ya ce Turakin Sakkwato Alhaji Shehu Shagari ya bayar da gudunmuwa wajen bunkasa ilimi a lardin Sakkwato inda ya hada kan 'yan boko da kuma tabbatar da mutane sun tura 'ya'yansu zuwa makaranta

    Shehu Shagari
  18. An tafi da gawar tsohon shugaban zuwa mahaifarsa Shagari

    Bayan isowar gawar marigayin tsohon shugaban Najeriya daga nan an saka ta cikin wata mota mallakar rundunar sojin sama ta kasar inda ba da bata wani lokaci ba ta zarce zuwa garinsu na Shagari inda za a yi masa jana’iza.

    Gawar tsohon shugaban Najeriya shehu Shagari
    Gawar tsohon shugaban Najeriya shehu Shagari
  19. Gwamna Tambuwal ne ya jagoranci karbar gawar

    Gwamnan jihar Aminu waziri Tambuwal ne ya jagoranci sauran fitattun mutane a jihar da kuma iyalan marigayin wajen karbarta daga sojojin kasar a filin jirgin sama na Sultan Abubakar III.

    Jana'izar Shehu Shagari
    Jana'izar Shehu Shagari
    Jana'izar Shehu Shagari
  20. Yadda gawar Shagari ta isa Sakkwato

    Gawar ta iso da karfe daya na ranar Asabar cikin wani jirgi mallakar gwamnatin kasar mai lamba 5N FGZ.

    e

    Shagari
    Jana'izar Shehu Shagari
    Jana'izar Shehu Shagari