Got a TV Licence?

You need one to watch live TV on any channel or device, and BBC programmes on iPlayer. It’s the law.

Find out more
I don’t have a TV Licence.

Takaitacce

  1. Shugaba Buhari ya yi alkawarin bunkasa Najeriya
  2. 'Zan ci gaba da samar da ayyukan yi da hada kan kasa'
  3. Talauci na da alaka da rashin tsaro, in ji shugaban
  4. Najeriya ta koma tafarkin dimokradiyya ne a 1999
  5. A bara ne aka sauya ranar daga 29 ga watan Mayu zuwa 12 ga Yuni
  6. Shugabanni hudu ne suka mulki kasar a tsawon shekara 20

Rahoto kai-tsaye

Daga Naziru Mikailu, Umar Rayyan da Umar Mikail

time_stated_uk

  1. Karshe!

    Nan muka kawo karshen karshen labarai da rahotanni kai tsaye game da Ranar Dimokradiyya a Najeriya ta bana. Mun gode.

  2. Za mu ci gaba kamar China da India - Buhari

    Ranar Dimokradiyya

    Shugaban Najeriya Muhammadu Buhari ya ce babu abin da zai hana kasar ci gaba kamar kasashen China da India ko Indonesia.

    "Tun da China da India da Indonesia suka ci gaba, to babu abin da zai hana Najeriya ci gaba," a cewar shugaban, wanda aka sake zaba karo na biyu a watan Fabrerun da ya gabata.

    Ya kara da cewa: "Kasashen China da Indonesia sun ci gaba karkashin tsarin mulkin mulukiya yayin da India ta kai gaci a karkashin tsarin demokuradiyya, a don haka muma babu abin da zai hana mu mu kai ga gaci".

    Shugaban na magana ne a ranar bikin murnar demokuradiyya, wacce a karon farko ake tunawa da ita a ranar 12 ga watan Yuni.

    An sauya ranar ne daga 29 ga watan Mayu domin tunawa da kuma rage radadin alhinin soke zaben shugaban kasa na 1993.

    Shugaba Buhari ya kuma sanar da sauya sunan filin wasa na Abuja zuwa Moshood Abiola, mutumin da aka yi imanin cewa shi ne ya lashe zaben na 1993 wanda gwamnatin sojin lokacin ta soke.

    Wannan sanarwa dai ita ce ta fi birge wadanda suka halarci wurin taron idan aka yi la'akari da yadda wurin ya kaure da tafi bayan da ya ayyana hakan.

    Buhari
  3. Manyan baki

    Ranar Dimokradiyya

    Teburin manyan baki kenan ciki har da shugaban kasar Rwanda (na farko daga hagu).

    Eagle Square
    Eagle Square
    Eagle Square
  4. Ranar Dimokradiyya

    Karewar jawabin Shugaba Muhammadu na nufin an kawo karshen wannan taro na bikin dimokradiyyar Najeriya 'yar shekara 20 ba tare da katsewa ba.

    Yanzu haka fareti ne sojoji ke yi yayin da su kuma manyan baki ke ficewa daga filin taron.

    Fareti
    Fareti
  5. Post update

    Daga hagu zuwa dama, Aisha Buhari uwar gidan shugaban kasa da Sanata Ahemd Lawan Shugaban Majalsiar Dattawa da Femi Gbajabiamila Kakakin Majalsar Wakilai da Bola Ahmed Tinubu jagoran jam'iyyar APC mai mulki yayin da ake rera taken Najeriya.

    Mahalarta taro
  6. Buhari ya gama jawabi

    Ranar Dimokradiyya

    Shugaba Buhari ya gama jawabinsa, inda aka yi taken Najeriya.

    Yanzu za a ci gaba da faretin girmamawa ga manyan baki.

  7. Buhari na jawabi

    Ranar Dimokradiyya

    "Daga yau na mayar da sunan babban filin wasa na kasa da ke Abuja Moshood Abiola National Stadium" - Buhari

  8. Buhari na jawabi

    Ranar Dimokradiyya

    "Wannan gwamnati ba za ta yadda da aikin duk wanda yake so ya tsokani ko yi wa al'adunmu ba'a ba ko kuma ya kawo wa tsaron kasa cikas" - Buhari

  9. Buhari na jawabi

    Ranar Dimokradiyya

    "Ina mika godiya ta musamman ga 'yan kasuwa wadanda suka gina wuraren kasuwanci kamar layukan wayar hannu da kuma sauran wurare wadanda suka bai wa matasanmu aikin yi" - Buhari

  10. Buhari na jawabi

    Ranar Dimokradiyya

    "A matsayina na shugaban komitin farfado da tafkin Chadi zan jagoranci zama na musamman don kawo karshen matsalolin tsaro a yankin" - Buhari

  11. Buahri na jawabi

    Ranar Dimokradiyya

    "Shirye-shiryenmu na habbaka rayuwar 'yan kasa (N-power da ciyar da 'yan makaranta) abin koyi ga sauran kasashen duniya" - Buhari

    Buhari
  12. Buhari na jawabi

    Ranar Dimokradiyya

    "Ba mu tsorata da kalubalen da ke gabanmu ba sai dai ma sun kara mana kwarin gwiwa ne" - Buhari

    Buhari
  13. Buhari na jawabi

    Ranar Dimokradiyya

    "Bambancin 2015 da 2019 dangane da harkar tsaro shi ne cewa a wannan karo muna yin aiki tare da jam'ian tsaro masu yawa da bayanan sirri da kuma kayan aiki," Buhari ya fada

  14. Buhari na jawabi

    Ranar Dimokradiyya

    Shugaba Muhammadu Buhari ya fara gabatar da jawabinsa, wanda dama shi ne babban abin da za a yi a yau.

    Buhari
  15. Ra'ayoyinku daga Facebook

    Ranar Dimokradiyya

    SMS Message: Muna tsammanin shugaba Buhari zai baiyana was yan Nigeria yadda gwamnatinsa zata sa gaba, kamar irin zubin ministocin da zaiyi aiki dasu, dakuma irin aikace-aikacen da zaisa agaba a wannan karon. from Yakubu Aliyu
    Yakubu Aliyu
    SMS Message: Babu wani sabon abu da shugaba Buhari zai fada, sai dai abinda muka saba ji daga gare shi! Allah ka kawo mana dauki! from Zubairu Adam Alejo
    Zubairu Adam Alejo
    SMS Message: Ina mamakin wasu da basu fadin alkairi abakinsu tir wlh da irin wannan mugun bakin nawasu insha Allah ta Allah batukuba from Rakiya Yusuf
    Rakiya Yusuf
    SMS Message: me zamu ji, banda karya DA kuma yaudara, sy ya Saba fada mana. from Adaraja Mata
    Adaraja Mata
    SMS Message: Uhm cewa zaiyi cikin kwanaki kad'an masu zuwa kowane d'an Nigeria zai yi dariya a zango na biyu. from Abdul Senior Babale
    Abdul Senior Babale
    SMS Message: DUNIYA kenan wai yau buhari ne TALAKAWA suke ganin makaryaci ne ba mutun bane mai cika alkawari from Sen Abdulrahman Omar
    Sen Abdulrahman Omar
    SMS Message: Karya Da karairayi Daya Saba Yiwa Yan Najeriya from Amina Abubakar Basheer
    Amina Abubakar Basheer
    SMS Message: Masha Allah.Allah yasa anshiga a sa a ameen. from Jamila Abubakar
    Jamila Abubakar
    View more on facebook
  16. BBC Hausa Facebook

    Za ku iya garzayawa shafinmu na BBC Hausa Facebook don kallon bidiyon wainar da ake toyawa kai-tsaye a dandalin Eagle Square wato inda ake bikin cika shekara 20 da komawa tafarkin dimokradiyya a Najeriya ranar Laraba.

    View more on facebook
  17. An fara fareti

    An fara fareti a dandalin Eagle Square bayan isowar Shugaba Buhari.

    A