Got a TV Licence?

You need one to watch live TV on any channel or device, and BBC programmes on iPlayer. It’s the law.

Find out more
I don’t have a TV Licence.

Rahoto kai-tsaye

Daga Buhari Muhammad Fagge da Awwal Ahmad Janyau

time_stated_uk

  1. A nan za mu rufe wannan shafin sai kuma gobe idan Allah Ya kai mu

  2. Gwamnatin Najeriya ta yi Allah wadai da juyin mulki a Guinea

    Gwamntin Najeriya ta ce ta ta damu a juyin mulkin da ya faru a ƙasar Guinea a ranar Lahadi.

    Wata sanarwa daga ma'aikatar harakokin wajen Najeriya ta ce gwamnatin Najeriya ta yi Allah wadai da juyin mulkin tare da bayyana cewa matakin ya saɓawa tsarin dimukuradiyya na ƙungiyar Ecowas.

    Sanarwar ta yi kira ga sojojin da suka yi juyin mulkin su gaggauta mutunta kundin tsarin mulki tare da tabbatar da kare rayuka da dukiyoyin al'umma.

    Gwamnatin Najeriya
  3. Babban mai hamayya da Taliban ya yi tayin tattaunawa

    Jagoran ƴan tawaye a Afghanistan, wanda ya ƙaddamar da gaggarumin yaƙi kan Taliban don hana su ƙwace iko da lardin Panjshir, ya ce a shirye yake ya tattauna da ƙungiyar.

    Ahmad Massoud ya bayyana haka a wani saƙo da ya wallafa a shafukan sada zumunta, kuma ya ce yana goyon bayan tsarin da wasu malaman addini suka fitar na gudanar da tattaunawar.

    Ya yi kira ga Taliban da su kawo ƙarshen hare-harensu, inda ya ce ƙungiyarsa ta National Resistance Front ta shirya dakatar da yaƙin nan take.

    Masu yaki da Taliban
  4. Majalisar Dinkin Duniya ta yi Allah wadai da juyin mulki a Guinea

    Sakatare Janar na Majalisar Dinkin Duniya Antonio Gutteres ya yi Allah wadai da juyin mulki a Guinea.

    Gutteres ya ce abin Allah wadai ne kwace mulki da karfi tare da yin kiran gaggauta sakin shugaba Alpha Conde.

    Twiter
  5. Faransa ta ce ta kori masu tsattsauran ra'ayin Islama 600 daga ƙasar

    Shugaba Macron

    Ma'aikatar harkokin cikin gida ta Faransa ta kare matakin da ta ɗauka na korar masu tsattsauran ra'ayin Islama daga ƙasar, bayan wata ƴar takarar shugaban kasa ta ce za ta ƙara tsaurara matakai idan ta ci zaɓe.

    Karamar ministaMarlene Schiappa ta ce sama da mutane 600 da ake zargi masu tsattsauran ra'ayi ne aka tasa keyarsu daga ƙasar tun a 2018.

    Yar takarar shugaban ƙasa mai ra'ayin mazan jiya, Valerie Pecresse, ta faɗawa wata jaridar da ke fitowa duk Lahadi cewa idan aka zabe ta a shekara mai zuwa za ta bunƙasa yaki da ta'addanci ta hanyar farfaɗo da laifukan yaƙi da suka shafi musayar bayanai da abokan gaba.

    Ta ce duk shekara za ta kori mutane kusan 1500.

    A ranar Laraba, mutane 20 ne za su gurfana a gaban kotun Paris da ake tuhuma suna da alaƙa da hare-haren da aka kai a gidan rawa da filin wasan kwallon kafa da mashaya da gidajen cin abinci wanda ya yi sanadiyar mutuwar mutane 130 a watan Nuwamban 2015.

  6. An saki Jacob Zuma daga gidan yari kan rashin lafiya

    Jacob Zuma

    An saki tsohon shugaban Afirka ta Kudu, Jacob Zuma daga gidan yari na wuccin gadi saboda rashin lafiya.

    Hukumar gidan yari ta Afirka ta Kudu ta ce an yi wa Mista Zuma tiyata a watan da ya gabata saboda wata cuta da ba a bayyana ba, kuma yanzu yana samun sauki a asibiti.

    Hukumomin sun ce zai yi sauran wa'adin zamansa a cikin al'umma, karkashin kulawa.

    A watan Yuli, Jacob Zuma ya fara zaman gidan yari na watanni goma sha biyar saboda raina kotu, bayan ƙin bayyana gaban alƙali kan shari’arsa ta cin hanci da rashawa.

    Kama tsohon shugaban ya haifar da mummunar zanga-zangar a lardin Kwa-Zulu, da Gauteng.

    A ranar Laraba, ana sa ran Mista Zuma zai gurfana a gaban kotu don ci gaba da shari'ar cin hanci da rashawa.

    Ana zarginsa da karbar cin hanci da suka shafi yarjejeniyar makamai da aka yi a shekarun 1990.

  7. Sojojin Guinea sun yi iƙirarin hamɓarar da Alpha Condé

    Wasu gungun sojoji a kasar Guinea sun ce sun yi juyin mulki kan shugaba Alpha Condé.

    Da yake jaabi a gidan talabijin na kasa, shugaban runduna ta musamman ta sojan Guinea Kanal Mamady Doumbouya, ya ce sojoji sun hamɓarar da Mr Condé, kuma sun rusa gwamnatinsa da kundin tsarin mulki.

    Ya ce sun hamɓarar da gwamnatin Conde ne saboda yadda cin hanci da rashawa da talauci ya yi katutu a Guinea.

    Wasu hotuna da bidiyo da aka yaɗaa kafafen sada zumunta, sun nuna wani mutum da aka kira Mr Condé ne sojoji sun zagaye shi

    Sai dai ma'aikatar tsaro a Guinea ta fitar da wata sanarwa inda ta ce jami'an tsaro sun fatattaki msu juyin mulkin

    A bara, an kashe masu zanga -zanga da dama a zanga -zangar adawa da Shugaban Guinea, Alpha Conde, bayan da ya gabatar da sauye -sauye ga kundin tsarin mulkin kasar kuma ya lashe wa’adin mulki na uku.

    Sojojin Guinea
  8. An sace wani basarake a jihar Neja

    Getty Images

    Wasu da ba a san ko su wane ne ba sun sace wani basaraken gargajiya a lardin Wawa da ke karamar hukumar Borgu ta jihar Neja da ke arewacin Najeriya.

    Wata majiya ta shaida wa Daily Trust cewa wasu 'yan bindiga sun kutsa cikin fadar basrake da misalin karfe 9 na daren ranar Asabar kuma suka tafi da shi.

    Quote Message: Sun zo a baburu ne kimanin su takwas dauke da makamai. Shi kadai suka dauka. Duka suna sanye da kayan sojoji... in ji shi

    Ya ce ya zuwa yanzu ba su tuntubi kowa ba.

  9. Lionel Messi na daf da shafe tarihin da Pele ya kafa

    Getty Images

    Brazil za ta karbi bakuncin Argentina ranar Lahadi a rukunin kudancin Amurka na neman gurbin shiga gasar cin kofin duniya.

    Kyaftin din Argentina, Messi wanda ya fara yi wa babbar tawagar kasar tamaula a cikin shekarar 2005 ya ci kwallo 76 kawo yanzu a karawa 152.

    Tsohon zakakurin dan wasan Brazil, Pele wanda ya bar taka leda kusan shekara 50, shine ke rike da tarihin yawan zura kwallaye a Kudancin Amurka mai 77 a raga.

    Kusan mako tara kenan da Brazil da Argentina suka ffafata a wasan karshe a Copa America, inda Argentina ta yi nasara da ci 1-0.

    Wannan shine wasa takwas-takwas da kowacce tawaga za ta buga a rukunin Kudancin Amurka domin neman neman gurbin kai wa gasar cin kofin duniya da za a yi a Qatar a 2022.

  10. Labarai da dumi-dumiAna yunkurin juyin mulki a Guinea

    AFP

    Rahotanni na cewa ba a san makomar shagaban kasar Guinea Alpha Conde ba, bayan wani hoton bidiyon da ba a kai ga tantance wa ba ya nuna sojoji na rike da shi, wadanda suka ce sun shirya juyin mulki.

    Kamfanin dillancin labarai na Reuters ya ruwaito cewa sojojin sun ce sun yi watsi da kundin tsarin mulkin kasar.

    AFP kuma ya ruwaito cewa sojoji sun ce suna rike da shugaban kasar ya zuwa yanzu.

    Tuni wasu jaridu musamman na kasashen da ke makwabtaka da Guinea ke ba da rahoton an yi juyin mulki a kasar.

    Sai dai a gefe daya ministan tsaron kasar an ambato shi yana cewa an dakile yunkurin juyin mulkin.

    Wannan na zuwa ne awannin bayan jin karar harbe harben bindiga a tsakiyar Conakry babban birnin kasar Guinea.

  11. Ana harbe-harbe a Conakry babban birnin Guinea

    BBC

    Ana ta jin karar harbe harben bindiga a tsakiyar Conakry babban birnin kasar Guinea, yayin da sojoji suka mamaye ko ina kusa da fadar shugabancin kasar.

    Babu wanda dai ya san dalilin wannan harbe-harbe, kuma hukumomin kasashen arewacin afrika ba su ce uffan ba akan lamarin.

    Rahotanni na cewa yankin Kaloum ya zama babu kowa saboda firgici da kuma umarnin sojoji na cewa kowa ya zauna a gida.

    Wani babban jami'in gwamnati ya shaida wa kamfanin dillancin labarai na Reuters cewa shugaba Alpha Conde na nan kalau babu abin da ya same shi, amma daga nan bai kara cewa komai ba.

  12. Lionel Messi zai buga wa Argentina fafatawa da Brazil

    Getty Images

    Koci Lionel Scaloni ya ce watakila Lionel Messi ya buga wa Argentina wasan da za ta yi da Brazil ranar Lahadi a fafatawar neman gurbin shiga gasar cin kofin duniya.

    Ranar Juma'a Argentina ta kara da Venezuela ta kuma ci 3-1, karawar da aka kori Martinez, sakamakon ketar da ya yi wa dan kwallon Paris St Germain.

    Wadanda suka ci wa Argentina kwallayen a ranar Juma'a sun hada da Lautaro Martinez da Joaquin Correa da kuma Angel Correa.

    Ita kuwa Venezuela ta zare kwallo daya ta hannun Yeferson Soteldo a bugun daga kai sai mai tsaron raga daf a tashi daga wasan.

  13. Wani harin ISIS ya kashe 'yan sandan Iraƙi 13

    Wani hari da kungiyar ISIS ta kai arewacin Iraƙi ya yi sanadiyyar mutuwar 'yan sandan kasar 13.

    An kai harin ne a wurin wani duba ababan hawa a kusa da birnin Kirkuk na Iraƙi, kamar yadda kamfanin dillancin labarai na Iraƙi ya ruwaito jami'an na fada.

    An kai harin ne a cikin dare a ranar Asabar, kuma an ci gaba da musayar wuta tsakanin jami'an da ke tsare wurin da mayakan ISIS din na wasu awanni.

    Wuraren da ashekaru hudu da suka gabata ke karkashin ISIS yanzu duk ana kwace su akai-akai daga gare su.

    Amma har yanzu kungiyar na cikin kasar tana kuma ci gaba da hare-haren kisan mummuke.

  14. An kai wa Saudiyya hare-haren makamin roka

    Reuters

    Hukumomin Saudiyya sun ce sun kakkabo wasu makaman roka uku da aka harbo musu daga Yemen, gamayyar sojin da Saudiyya ke jagoranta da ke yaki a Yemen ta ce daya daga cikin makaman an harba shi ne kan wata rijiyar man kasar da ke yankin gashi.

    Kafafen yada labarai na cikin gidan Saudiyya na cewa yara biyu sun jikkata yayin harin wanda aka kai Kauyen Damman dake wajen gari.

    Gamayyar ta kara da cewa ta lalata wani wani makamin roka da aka harba biranen Najran da Jazan da ke yankin kudancin Saudiyya.

    Sun kuma ce sun tarwatsa wani jirgi maras matuki da shi ma aka harba yankin.

    Har yanzu dai mayakan Houthi ba su ce komi ba kan rahoton harin.

  15. 'Akwai bukatar Najeriya ta sauya hanyoyin da take bi wajen magance matsalar tsaro'

    Video content

    Video caption: Gane Mani Hanya Tare Da Rabi'u Musa Kwankwaso 05/09/2021

    Tsohon gwamnan Kano Rabi'u Musa Kwankwaso ya ce akwai bukatar gwamnatin Najeriya ta sauya hanyoyin da take bi wajen magance matsalar tsaro da ke kara tabarbarewa a kasar.

    A yayin wata hira da BBC, Rabi'u Kwankwaso ya ce har yanzu yana mamakin gazawar gwamnatin Najeriya kuma abin kunya ne a ce har yanzu ana samun yan bindiga da ke sace dalibai a arewacin kasar.

    A hirar Kwankwason da abokin aikinmu a Kano Khalifa Shehu Dokaji, sun tattauna kan batutuwa masu yawa ciki har da batun zargin bincikar wasu daga cikin jagororin jam'iyyar su ta PDP da hukumar EFCC ke yunkurin yi, inda ya ce ana kokrin yin haka ne don ɓata musu suna.

  16. Kasashen G7 za su tattauna da Rasha da China kan Afghanistan

    Reuters

    Ministocin harkokin wajen kungiyar kasashen 7 mafiya karfin tattalin arziki za su yi wani taro kan yanayin da Afghanistan ke ciki a makon gobe.

    Ministan harkokin wajen Japan Toshimitsu Motegi ya shaida wa gidan talabijin na kasar ranar Lahadi cewa, wakilan Rasha da China ma za su halarci taron.

    Ana sa ran wannan taron za a yi shi ne a ranar 8 ga watan Satumbar da muke ciki.

    Ministan harkokin wajen Japan din ya kara jaddada mahimmancin da wakilan kasashen Rasha da China ke da shi a wannan taro, yana cewa kasashen biyu suna da karfin fada a ji a Afghanistan.

    Yace jakadojin kasashe kimanin 20 ne za su halarci wannan taro da zai gudana ta intanet, karkashin shugabancin sakataren harkokin wajen Amurka Antony Blinken.

  17. Saurari shirin ci-rani a Jamhuriyar Nijar

    Video content

    Video caption: Shirin ci-rani a Jamhuriyar Nijar na 05/09/2021

    A cikin shirinmu na musamman kan ci-ranin mutanen Tahoua na Jamhuriyyar Nijar kashi na 16, AbdusSalam Ibrahim Ahmed ya ɗora daga inda ya tsaya a makon da ya gabata.

    A wannan karon, ya tattauna ne da mazan da suke tafiya ci-rani da irin kalubalen da suke fuskanta.

    Shirin na zuwa muku ne a madadin filin Taɓa Kiɗi Taɓa Karatu.

  18. Mazaje a Kenya sun shiga gangamin yaƙi da yi wa mata kaciya

    Getty Images

    BBC ta tattauna da wani mutum mai suna John wanda ya ce ko wanne lokaci ya kwanta da matarsa sai ta yi masa kuka.

    Ta na fada masa cewa zafi take ji saboda kaciyar da aka yi mata.

    Getty Images
    Quote Message: Ko da yaushe na kusanci mata ta Martha, za ta yi ta kuka kamar wata karamar yarinya. Tana rokona cewa na kyale ta. Ba ta son ina kusantar ta, ba ta son haihuwa kuma ta kai shekara 40 ya zuwa yanzu.... in ji shi.

    John da matarsa Martha sun fito daga yankin Marakweta ne da ke yammacin Kenya.

    Duk da cewa an haramta yi wa mata kaciya a Kenya, amma duk da haka akan yi wa yara mata da ke tsakanin shekara 12 zuwa 17 a yankin su martha, a wani mataki na shirye-shiryen tunkarar aure.

    An yi wa Martha kaciyar ne lokacin da take shekara 15

  19. Taliban ta tarwatsa matan da suka fito zanga-zanga

    Getty Images

    Jami'an Taliban sun tarwatsa zanga-zangar wasu gwamman mata a Kabul babban birnin Afghanistan, suna cewa 'yan Taliban sun rika watsa musu hayaki mai sa hawaye da kuma wani abin fesawa mai yaji.

    Matan na cewa suna son a basu damar yin aiki da kuma shigar da su cikin gwamnatin Taliban.

    Wannan ce zanga-zanga irinta ta baya-bayan nan da aka yi a Kabul da Herat.

    A gefe guda kuma, shugaban hukumar leken asiri na Pakistan, Janar Faiz Hameed, na wata ziyara ta musamman domin tattaunawa da jami'an Taliban.

    Wata majiya ta ce tattaunawar ta mayar da hankali ne kan harkokin tsaro da kuma tsaron kan iyaka.

  20. Shin ko kun san ta yaya ake haihuwar sabon wata a duniyarmu ta Earth?

    Video content

    Video caption: Latsa nan domin jin cikakkiyar amsar tambayoyin wannan mako

    Su wanene al'umar Houthi da ke Yemen da Saudiyya ke rikici da su?

    Ta yaya ake haihuwar sabon wata a duniyarmu ta Earth?

    wadannan duka na cikin shirinmu na Amsoshin Takardunku na wannan makon.

    Sai ku latsa domin sauraren amsoshin tare da ilimantuwa.