Bayanai kan wasannin da suke gudana a sassan duniya

• Crystal Palace 0 Chelsea 1
•  Middlesbrough 3 Swansea 0 
•  Stoke 2 Leicester 2 
•  Sunderland 1 Watford 0 
•  West Ham 1 Hull 0

Hadakar manyan kungiyoyin kwallon kafa na Turai ta yi watsi da shirin shugaban hukumar kwallon kafa ta duniya, Fifa, Gianni Infantino, na kara yawan kasashen gasar cin kofin duniya da za a yi a 2026, daga 32 zuwa 48.

Shugaban hadakar, ko kungiyar ta ECA, tsohon dan wasan Jamus Karl-Heinz Rummenigge, ya ce duk wani abu da za a yi a game da gasar kamata ya yi, a mayar da hankali kan wasan.

Amma ba siyasa ko kasuwanci ba, don haka bai kamata a kara yawan masu shiga gasar ba.

Kungiyar ta ce daman tuni yawan wasan da ake yi a shekara ya yi yawan da ba za a amince da shi ba.

A farkon watan nan ne shugaban na Fifa, ya gabatar da shawarar mayar da gasar ta duniya ta kunshi kasashe 48, da za a raba zuwa rukuni 16, kowanne da kasashe uku-uku.

A ranar 9 ga watan Janairu ne majalisar zartarwar Fifa, za ta tattauna kan shirin na Infantino.

Getty ImagesCopyright: Getty Images

Rafael Nadal ya kara tsohon zakaran kwallon Tennis na gasar French Open, Carlos Moya, a cikin masu horar da shi kwallon tennis. 

Moya mai shekara 40, zai yi aikin horar da Nadal tare da Toni Nadal da Francis Roig.

Getty ImagesCopyright: Getty Images

Wasannin da aka yi a gidan damben gargajiya na Idris Bambarewa da ke Maraba 'Yanya a jihar Nasarawa, Nigeria a ranar Juma'a. 

• Shagon Dijango daga Arewa ya buge Dan Kadiri Shagon Kato daga Kudu a turmi na biyu. 
• Aljanin Arewa daga Arewa ya buge Shagon Dogon Jafaru daga Kudu a turmin farko. 
• Autan Bahagon Sani daga Kudu da Dan Aliyu daga Arewa turmi daya suka taka raba su dare ya yi.

BBCCopyright: BBC

Hukumar ta NFF ta samu biyan bashin ne bayan da gwamnatin Nigeria ta ba ta Dala Miliyan daya da dubu dari da saba'in domin ta biya ladan lashe kofi da hakkokin Super Falcons.

A ranar Larabar da ta gabata ne 'yan wasan na Super Falcons, wadanda suka lashe kofin kwallon kafar nahiyar Afirka na mata a watan Disamba a Kamaru, suka yi zanga-zanga zuwa Majalisar Dokoki da fadar Shugaban kasa saboda rashin biyansu kudaden da ya kamata a ba su. 

Kashima Antlers ta Japan ta zama ta farko da ta ci gajiyar tsarin amfani da hoton bidiyo a gasar, Fifa, inda ta samu bugun fanareti ta ci 3-0 a wasan kusa da na karshe na cin kofin duniya na kungiyoyi.

Alkalin wasa Viktor Kassai ya tsayar da wasan ne wanda ake yi a Japan, bayan da mataimakinsa mai lura da hoton bidiyon wasan ya ankarar da shi kan wani laifi da aka yi, inda ya bayar da fanareti bayan ya kalli bidiyon.

Kungiyar Kashima ta doke Atletico Nacional ta Colombia, wanda hakan ya sa ta zama kungiya ta farko daga Asia da ta yi nasarar zuwa wasan karshe na gasar.

A ranar Lahadi ne Zakarun na Asia za su kara a wasan karshe da Zakarun Turai Real Madrid ko Zakarun Amurka ta Arewa Club America.

Getty ImagesCopyright: Getty Images

  Alvaro Negredo ya kasa ci wa Middlesbrough kwallo a karawa 13 daga cikin 15 da ya yi mata a bana.  

Getty ImagesCopyright: Getty Images

Riyad Mahrez ne ya lashe kyautar Gwarzon dan kwallon Afirka na BBC na 2016

Masoya kwallon kafa a fadin duniya ne suka zabi dan wasan tsakiyar na Algeria da Leicester a kan Pierre-Emerick Aubameyang da Andre Ayew da Sadio Mane da kuma Yaya Toure.  

Fabregas ya shiga fili ya maye gurbin Willian

Dan kasar Zambia, Janny Sikazwe ne zai alkalanci wasan karshe tsakanin Real Madrid da Kashima Antlers a gasar cin kofin duniya ta zakarun nahiyoyi da za a yi a filin wasa da ke Yokohama. 

Wannan shi ne karon farko da Sikazwe dan kasar Zambia zai alkaanci wasan da Real Madrid za ta yi. 

Sai dai kuma a gasar cin kofin duniya ta zakarun nahiyoyin a baya, Sikazwe ya busa fafatawar da Kashima Antlers ta doke Auckland City da ci 2-1.

Real MadridCopyright: Real Madrid