Labaran wasanni da suke gudana a sassan duniya

Zakaran damben boksin ajin IBF super-middleweight James DeGale zai kara da zakaran kambun WBC Badou Jack a New York a ranar Lahadi.

BBCCopyright: BBC

Ivory Coast - Ta fito da sabbin 'yan wasa. 

Ghana    -  Ana mata kirari da Jamusawan Afrika 

Aljeriya - Na da 'yan wasan Afirka da aka fi ji da su a 2016. 

Senegal - Ta ci duk wasanninta na samun cancanta.

Masar - Ta yi rawar gani a wasannin cancanta kuma tana da nasibi.

Zambia - Ta yi cikas ga burin wasu a 2012 inda ta lashe gasar

BBCCopyright: BBC

03:20

Kwallo ukun da Harry Kane ya ci ta taimaka wa Tottenham lashe wasanta na shida jere a gasar Premier, kuma za su matsa zuwa matsayi na biyu a kan tebur. Komai ya yi kyau a zagayen arewacin Londo.

Sam Sunderland ya zama dan Burtaniya na farko da ya lashe gasar tseren babura ta Dakar Rally wadda ya ci a ranar Asabar.

Dan wasan mai shekara 27 ya bai wa Matthias Walkner na Austria tazarar minti 32 a zangon karshen gasar a Argentina. 

An fara gasar bana ta 38 a Asuncion zuwa Paraguay da Boliviasannan aka kammalata a Argentina.

Rex FeaturesCopyright: Rex Features

Andy Murray ya ce sai ya kara kaimi a wasaninsa idan har yana son ya ci gaba da zama a mataki na daya a jerin wadanda suke kan gaba a wasan kwallon tennis. 

Dan wasan mai shekara 29 zakaran gasar Wimbledon ya maye gurbin Novak Djokovic a shekarar da ta wuce.

Murray zai fafata a gasar Australian Open a mako mai zuwa.

Getty ImagesCopyright: Getty Images

Bayan Kano Pillars ta fafata da Ifeanyiubah a ranar Asabar ne ake sa ran buha wasanni tara a ranar Lahadi.

LMCNPFL TwitterCopyright: LMCNPFL Twitter

Kano Pillars ce ta doke Ifeanyiubah 2-0 a wasan da suka yi a bara a Kano, inda Prince Aggreh da Suleman Usman ne suka ci mata kwallayen biyu. 

Baya ga Aubameyang, kallo zai koma kan fitaccen Dan wasan kwallon BBC na bana wanda ke tashe kuma Dan kwalon shekara na CAF Riyad Mahrez da kuma Dan wasan Afirka mafi tsada Sadio Mane

'Yan wasa 23 ne daga gasar Premier Ingila za su je gasar cin kofin Afirka ta Gabon ciki har da dan wasan Manchester United na kasar Ivory Coast Eric Bailly, da dan wasan West Ham daga kasar Ghana Andre Ayew, da Islam Slimani dan Aljeriya da ke buga wa Leicester kwallo dan wasan  Crystal Palace da zai wakilci kasar Ivory Coast Wilfried Zaha.  

BBCCopyright: BBC

Real Madrid za ta fafata da Celta Vigo a wasan daf da na kusa da karshe a gasar Copa del Rey.

Madrid ta kai wannan matakin ne bayan da ta ci Sevilla 6-3 a wasanni biyu da suka yi, yayin da Celta ta ci Valencia 6-2.

Mai rike da kofin bara, Barcelona, za ta kece raini da Real Sociedad, ita kuwa Atletico Madrid za ta kara ne da Eibar.

Kungiyar Alcorcon wadda ita kadai ce ba ta buga wasannin La ligar Spaniya za ta yi gumurzu ne da Deportivo Alaves.

Barcelona ce a kan gaba wajen yawan lashe Copa del Rey, bayan da ta dauki 28, sai Athletic de Bilbao mai 23, Real Madrid kuwa 19 ne da ita da Atletico de Madrid mai guda 10 a tarihi.

Za a fara wasannin farko a gasar daf da na kusa da karshe a ranar 18 ga watan Janairu, sannan a yi karon batta a karo na biyu a ranar 25 ga watan Janairun 2017.

Ga jadawalin wasannin da za a yi:

• Real Sociedad da Barcelona
• Alcorcon da Alaves
• Atletico Madrid da Eibar
• Real Madrid da Celta

Getty ImagesCopyright: Getty Images

Asheerou Asabib Nasara Wannan wasa fatan a yi draw sannan ina fatan Liverpool ta lallasa Manchester Utd da ci 2 - 1.

Mustapha Mohammed To! Gasar Premier in ta zo tsakiya ko masana wasanni ma sai dai a hankali. 

Saleh Muhammed Saleh Damare To! Mu dai za mu iya cewa fadan da babu ruwanka, dadin kallo ne da shi. Up Barcelona! 

Shuaibu Adam Bagwai Hahaha! Ta safe ta yaro, Tottenham 2 - 0 West Brom. A ci gaba da gashi suya sai ranar sallah. Up Liverpool!

Yayin da West Brom suka iya taba kwallo sau 52 ana minti 33 da fara wasa, Tottenham sun taba kwallo fiye da sau 200.  

BBCCopyright: BBC

Yau Asabar da karfe 5:00 agogon Nijeriya ne za a fara gasar cin kofin Afirka karo na 31, inda mai masaukin baki Gabon za ta buga wasan farko da Guinea-Bissau

Shekara sittin kenan tun bayan fara gasar cin kofin Afirka cikin 1957 a Sudan, inda kasa uku ta fafata kuma Masar ta dauki kofi.

Gasar a bana ta kunshi wasa 32 a tsawon kwana 23, inda kasa 16 - za su kara da juna cikin rukuni hudu. A ranar 5 ga watan Fabrairu ne za a buga wasan karshe, inda kasar za ta tafi da kofi wanda aka kere shi a kasar Italy da kuma tsabar kudi dala miliyan 4.

BBCCopyright: BBC