Got a TV Licence?

You need one to watch live TV on any channel or device, and BBC programmes on iPlayer. It’s the law.

Find out more
I don’t have a TV Licence.

Takaitacce

  1. Monaco za ta tsawaita zaman Mbappe a kungiyar
  2. Djokovic ba zai karasa wasannin bana ba
  3. Manchester City na neman Mbappe
  4. Inter za ta iya sayar da Perisic ga Manchester Utd
  5. Ko Barcelona za ta iya sayen Coutinho?
  6. Arsenal ta shirya domin sayen Thomas Lemar

Rahoto kai-tsaye

time_stated_uk

Nan muka kawo karshen shirin

Da fatan za ku tara a gobe domin jin wasu sabbin labarin wasanni

Teburin gasar Firimiyar Nigeria bayan mako na 31

Kai tsaye
LMCNPFL

Rivers da Akwa sun tashi 1-1

Gasar Firimiyar Nigeria kwantan wasan mako na 22

Rivers United da Akwa United sun raba maki a tsakaninsu, bayan da suka tashi kunnen doki 1-1 a kwantan wasan mako na 22 a gasar cin kofin Firimiyar Nigeria da suka fafata a ranar Laraba.

Da wannan sakamakon Akwa United tana ta uku a kan teburin gasar da maki 51, ita kuwa Rivers United tana ta 12 da maki 41 da kwantan wasa daya da za ta yi da Kano Pillars.

Har yanzu Plateau Uniteds ce a matsayi na daya, sai Mountain of Fire biye da ita.

Kai tsaye
LMCNPFL

Wilshere ba ya son ya bar Landan

Independent ta ce Jack Wilshere na Arsenal bai son ya yi nisa da Landan, kuma zai so ya koma West Ham a bana maimakon ya bar buga gasar Premier.

Kai tsaye
Getty Images

Renato ya ce yana son ya bar Munich

Jaridar Independence

Renato Sanchez ya ce yana son barin Bayern Munich a bana, AC Milan da Manchester United na daga cikin kungiyoyin da ke son daukarsa, wanda aka yi masa darajar fan miliyan 43 in ji Independent.

Kai tsaye
Getty Images

Liverpool ba ta fargabar ta kashe kudi

Daily Mail ta wallafa cewar kocin Liverpool, Jurgen Klopp ya ce ba sa jin tsoron kashe kudi wajen sayo 'yan wasa a bana, kuma zai ci gaba da zawarcin dan kwallon Southampton mai tsaron baya Virgil van Dijk.

Kai tsaye
Getty Images

Coutinho ba na sayarwa bane

Jaridar Daily Star

Liverpool ta ce ba za ta sayar da Coutinho ko nawa za a taya shi, amma Barcelona za ta biya fan miliyan 80 idan za a sayar mata da dan wasan Daily Star.

Kai tsaye
AFP

Barcelona za ta sake taya Coutinho

Jaridar Sports

Barcelona ta tura wakilai zuwa Ingila kan batun Philippe Coutinho, duk da kin sallama tayin fan miliyan 72 da Liverpool ta yi kan dan kwallon mai shekara 25 in ji Sports.

Kai tsaye
Getty Images

Arsenal za ta biya kudin Lemar

Jaridar The Sun

Arsenal na daf da daukar dan kwallon Monaco, Thomas Lemar kan fan miliyan 45 in ji The Sun.

Kai tsaye
get

Madrid da Man City za su kece raini a Amurka

Kungiyar Real Madrid za ta kara da Manchester City a gasar International Champions Cup a ranar Alhamis a Amurka.

Wannan ne karo na biyu da kungiyoyin za su kara a gasar, kuma a wasan farko da suka yi a Australia kaka biyu da ta wuce, Real ce ta doke City 4-1.

Cikin haduwa hudu da aka yi tsakanin kungiyoyin biyu, Real Madrid ta ci wasa biyu sannan suka yi kunnen doki a karawa biyu.

A gasar bana Manchester City ta yi rashin nasara a hannun Manchester United da ci 2-0, sannan United ta yi nasara a kan Madrid a bugun fenariti, bayan da suka tashi kunnen doki 1-1.

Kai tsaye
Getty Images

Dambe tsakanin Shagon Mada da Dan Aminu Langa-Langa

Wata karawar da suka taba yi a baya a Abuja, Nigeria.

Za a hana wasu kungiyoyin China wasa a badi

An umarci kungiyoyin kwallon kafa na China 13 da su sauke bashin da ke kansu ko kuma a hana su shiga gasar tamaula ta kasar ta badi.

Hukumar kwallon kafa ta China ce ta rubuta wasikar umarnin ga kungiyoyin da bashin ya yi wa katutu ciki har da manyan kungiyoyi uku da kanana biyar masu buga karamar gasar kasar.

Barkley na son barin Everton

Ronald Koeman ya ce Ross Barkley yana son ya gwada sa'a a wani kulob din kuma Everton a shirye take ta bar shi ya bar kungiyar a bana.

Saura shekara daya yarjejeniyar Barkley mai shekara 23, ta kare da Everton, kuma bai saka hannu kan tsawaita zamansa ba.

Haka kuma Koeman ya ce ya taya Gylfi Sigurdsson na Swansea City kan kudi fan miliyan 40, sai dai kungiyar ta ce za ta sallamar masa a kan fan miliyan 50.

Kai tsaye
Getty Images

Peaty ya yi mamakin rawar da yake takawa a Linkaya

Adam Peaty ya ce ya yi mamaki da irin bajintar da ya yi a wasan linkaya.

Dan wasan mai shekara 22 ya doke tarihin kammala tseren cikin ruwa da kirji da ya kafa da kansa sau biyu a gasar duniya da ya fafata a Budapest.

Zakaran da ke rike da kambu James Guy da kuma Duncan Scott ba su kai bantensu ba.

Kai tsaye
Getty Images

Mourinho ya shirya wa gasar Premier

Kocin Manchester United, Jose Mourinho ya ce sun shirya kan yadda za su lashe gasar Premier da za a fara a cikin watan Agusta, kuma yana son ya daura damarar cin kofin Zakarun Turai.

Kai tsaye
AP

Mbappe zai yi zamansa a Monaco

Kungiyar Monaco na tattaunawa da Kylian Mbappe domin ta tsawaita yarjejeniyar dan kwallon ya ci gaba da wasa a Faransa in ji mataimakin shugaban kungiyar.

Tun farko an alakanta kungiyoyi da dama na zawarcin dan kwallon mai shekara 18 , ciki har da Real Madrid wadda ake cewa za ta saya kan Yuro miliyan 180.

Vadim Vasilyev ya ce Monaco ta samu kungiyoyi da dama da suke son daukar dan kwallon a bana.

Kai tsaye
EPA

Man City ba ta zawarcin Mbappe

BBC ta fahimci cewar Manchester City ba ta taya dan kwallon Monaco, Kylian Mbappe ba, dan kwallon da ake cewa zai koma taka-leda a Real Madrid kan kudi Yuro miliyan 160.

Sai dai har yanzu City tana son sayen Alexis Sanchez na Arsenal

Kai tsaye
Getty Images

Gasar tennis ta German Open

Aljaz Bedene ya yi nasarar doke Jose Hernandez-Fernandez a wasan zagayen farko a gasar kwallon tennis ta German Open.

Wadanda ke kan gaba a yawan cin kwallaye

Gasar Firimiyar Nigeria bayan da aka yi mako na 31

Kai tsaye
Getty Images

Djokovic ba zai karasa wasannin bana ba

Tsohon Zakaran kwallon tennis karo 12 na duniya, Novak Djokovic ba zai karasa sauran wasannin gasar kwallon tennis ta bana ba, sakamakon raunin da yake fama da shi a gwiwar hannunsa.

Djokovic mai shekara 30, bai karasa karawar da ya yi da Tomas Berdych a ranar 12 ga watan Yuli a gasar Wimbledon sakamakon raunin.

Dan wasan ya ce yana fama da ciwon sama da shekara daya da rabi.

Kai tsaye
Getty Images

Wasannin da ba a ci mai tsaron raga ba

Gasar Firimiyar Nigeria, bayan mako na 31

Kai tsaye
LMCNPFL

Kwantan wasan mako na 22 ranar Laraba

Rivers United da Akwa United

Kai tsaye
LMCNPFL

Juventus na son sayen Kostas Manolas

Juventus na son daukar Kostas Manolas na Roma domin ya maye gurbin Leonardo Bonucci, sai dai kudin da aka bukaci ta biya fan miliyan 40 ta ce ya yi mata tsada, saboda haka za ta nemi Ezequiel Garay madadin sa in ji Tuttosports.

Kai tsaye
Getty Images

Takaitattun Labaran Wasanni

Takaitattun Labaran Wasanni daga Sashen Hausa na BBC

Renato Sanches na son barin Bayern Munich

Rahotanni sun ce dan wasan tsakiya na Bayern Munich Renato Sanches, ya bayyana cewar yana son barin kungiyar, kuma AC Milan da Manchester United suna son sayan dan kwallon a wata yarjejeniyar da ake ganin za ta kai kudi fam miliyan 43.

Dan wasan na kasar Portugal na da shekara 19, kuma ana yi masa kallon kwararren matashi.

Renato Sanches
Getty Images

An ja daga tsakanin Liverpool da Leipzig kan Kaita

Kawo yanzu kungiyar kwallon kafa ta RB Leipzig ba ta nuna wata alama ta niyyar sakin Naby Kaita ba, yayin da ita kuma Liverpool ba ta da alamar hakura...

A cewar jaridar The Liverpool Echo, sau biyu kungiyar na taya dan kwallon na kasar Guinea amma ana watsi da tayin nata.

Kuma kungiyar ta Jamus na cigaba da shirin kakar bana da dan wasan.

Manajan Darakta na kulob din Oliver Mintzlaff ya ce suna "shirin tunkarar sabuwar kakar tare da dan kwallon."

Leipzig
Getty Images

Manchester United za ta sayi Perisic?

Kociyan Inter Milan Luciano Spalletti ya ce kulob din zai yarda ya sayar da dan wasan gefe Ivan Perisic, idan aka yi masa kakkyawan tayi.

An na rade-radin cewar dan wasan gefen dan asalin Crotia zai koma Manchester United kan kudi fan miliyan 48.

Spalletti ya ce Inter tana son Perisic, mai shekara 28, ya tsaya, amman za su sayar da tsohon dan wasan na Wolfsburg domin samun kudin da za su sayi sabbin 'yan wasa.

"Yana da muhimmanci a cikin 'yan wasanmu kuma muna sa ran zai fara mana wasa a sabuwar kaka," in ji tsohon kociyan na Roma.

Karanta cikakken labarin a nan

Ivan Perisic
AFP

A shirye muke mu kashe makudan kudade - Klopp

Kociyan Liverpool Jurgen Klopp ya ce kungiyar ba ta tsoron kashe makudan kudade a bana a ci gaba da neman dan wasan baya na Southampton, Virgil van Dijk, mai shekara 26, in ji jaridar Daily Mirror.

Liverpool ta dage tana so ta sayi dan wasan baya domin karfafa tawagarta a daidai lokacin da ake shirin fara kakar wasanni ta bana.

Virgil van Dijk
Getty Images

Ko Barcelona za ta iya sayen Coutinho?

Barcelona ta tura jami'ai zuwa Ingila domin su yi kokarin sayan Philippe Coutinho duk da cewar Liverpool ta ki tayin fam miliyan 72 da kungiyar kwallon kafar Sapniyar ta yi wa dan wasan mai shekara 25.

Sai dai jiridar Daily Express ta ce Liverpool ta nace cewa ba za ta sayar da cdan kwallon a bana ba.

Coutinho yana haskakawa sosai a Liverpool, kuma yana sahun gaba a jerin 'yan wasan da kulob din ke takama da su.

Philippe Coutinho
Getty Images

Arsenal ta shirya domin sayen Thomas Lemar

A yanzu Arsenal ta shirya domin sayan dan shekara 21 nan da ke buga wasan tsakiya a Monaco, Thomas Lemar, a wata yarjejejiya ta fan miliyan 45, a cewar jaridar The Sun ta ake wallafa wa a Birtaniya.

Thomas Lemar
Getty Images

Manchester City na neman Mbappe

Jaridar Daily Mirror ta rawaito cewa Manchester City tana kokarin kayar da Real Madrid kan batun sayan dan wasan Monaco mai shekara 18, Kylian Mbappe.

A jiya rahotanni a Spain suka ce Madrid na shirin sayen dan wasan a matsayin dan kwallon da ya fi klwanne tsada a duniya.

Kylian Mbappe
Getty Images

Barkanmu da Hantsi

Jama'a barkanmu da sake saduwa a filin na yau inda za mu ci gaba da kawo muku bayanai kan wainar da ake tonawa a fagen wasanni.