Yadda ta kaya a gasar Zakarun Turai

Arsenal za ta karbi bakuncin Cologne a wasan cikin rukuni a gasar Europa League a ranar Alhamis.

Tuni kocin Arsenal, Arsene Wenger ya ce zai hutar da manyan 'yan wasansa bakwai da suka hada da Petr Cech da Laurent Koscielny da Alexandre Lacazette da Granit Xhaka da Aaron Ramsey da Danny Welbeck da kuma Mesut Ozil.

A karon farko Jack Wilshere zai buga wa Arsenal wasa, bayan shekara daya, kuma Alexis Sanchez zai buga fafatawar domin ya dawo kan ganiyarsa a tamaula.

Getty ImagesCopyright: Getty Images

Dan wasan tawagar kwallon kafar Brazil, Mercelo ya amince ya tsawaita zamansa a Real Madrid zuwa shekara biyar.

Dan kwallon zai saka hannu a kan yarjejeniyar a ranar Alhamis a dakin taro da manema labarai da ke filin Santiago Bernabeu.

Getty ImagesCopyright: Getty Images

Hukumar kwallon kafa ta Turai UEFA za ta hukunta Celtic bisa 'yan kallonta da suka shiga fili a karawar da suka yi da Paris Saint-Germain a gasar Zakarun Turai a ranar Talata.

Wani ma daga mai goyon bayan Celtic din ya yi kokarin kai wa Kylian Mbappe hari kafin masu tsaron fili su kawar da shi a karawar PSG ta lashe wasan.

Getty ImagesCopyright: Getty Images