An sabunta: 20 ga Mayu, 2010 - An wallafa a 16:11 GMT

Makomar Niqabi a kasashen Turai

Niqabi a Turai

Irin wannan Niqabi na ci gaba da jawo cece kuce a kasashen Turai

Kasashen Turai da dama sun dade suna nuna adawa

da Niqabin da mata musulmai suke sakawa domin kare fuskokin su.

Kama daga Niqabi, wanda ke rufe fuska da Hijabi mai rataya, wanda ke rufe jiki baki daya.

Abinda ake tattaunawa akai shi ne na 'yancin mata da addini dama tsoran ta'addanci.

Sai dai al'umar musulmai sun koka game da makomar hakkin su na bil'adama da 'yancin rayuwa.

Faransa ta yi kaurin suna

Kasar Farnsa na cigaba da matsa kaimi kan shirinta na haramtawa mata musulmai sanya Niqabi a bainar jama'a.

Shugaba Nicolas Sarkozy, yace zai mika kudurin dokar ga majalisar dokokin kasar a watan Mayu, domin hana sanya hijabin "a bainar jama'a".

Wani kwamitin majalisar dokokin Faransa ya bada sahwarar haramta mayafin, yana mai cewa ya sabawa al'adun kasar.

Sai dai majalisar koli ta kasar-ta yi gargadin cewa dokar za ta iya sabawa tsarin mulkin kasar, dama kundin kare hakkin dan adam na tarayyar Turai.

A shekara ta 2004 ne aka fara bullo da haramta amfani da hijabi mai rufe jiki, kuma dokar ta samu karbuwa tsakanin jama'a, a kasar da ake kokarin raba addini da al'amuran kasa.

Sai dai za a takewa musulman kasar hakkin su, wadanda adadin su yakai miliyan hudu zuwa biyar.

Rabe-raben Niqabin da mata ke amfani da shi

  • Abaya
    Ana amfani da kalmar Hijab ne, wacce ta samo asali daga Larabci, domin siffanta Hijabin da mata ke sawa. Anahiyar Turai matan kan rufe kansu da jikinsu amma banda fuskokinsu.
  • Niqab
    Niqab kan rufe fuska sannan ya bar gurbin ido a bude. Sai dai akan yi amfani da shi tare da abin rufe ido na daban koma da dan kwali na musamman.
  • Niqabi Mai Raga
    Burka-wato Niqabi mai riga, itace mafi kyawun shiga ta musulunci, tana rufe baki dayan jiki da fuska, tare da barin kofa 'yar kadan.
  • Mayafi
    Shayla-wato Mayafi, yana da tsayi kuma ana amfani da shi sosai a kasashen Larabawa. Ana rataya shi tun daga kafada zuwa gadon baya.
  • Shari
    Chador-wato Shari, matan Iran ne suka fi amfani shi idan suna waje, yana rufe jiki gaba daya. A mafi yawan lokuta yana dauke da karamin mayafi.

Sauran kasashen Turai

Sauran kasashen Turai kamar su Italiya da Belgium da Burtaniya da Jamus da Holland duka sun yi tsaiko ga irin wannan tufafi da mata musulmi ke sanyawa.

Su ma kasashe irnsu Turkiyya tuntuni suka dakatar da amfani da Niqabi a bainar jama'a.

Yayinda kasashe irinsu Austria da Switzerland suka yi alkawarin dakatar da amfani shi, muddum dai adadin matan da ke amfani shi suka karu.

BBC navigation

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.