An sabunta: 5 ga Agusta, 2010 - An wallafa a 13:49 GMT

Ambaliyar Pakistan ta ritsa da mutane miliyan 4

Ambaliyar Pakistan ta ritsa da mutane miliyan 4

Majalisar dinkin duniya ta yi kiyasin cewa ambaliyar ruwan da ta faru a Pakistan ta shafi kimanin mutane sama da miliyan hudu.

Ambaliyar ruwan ta mamaye yankuna da dama a kudancin Punjab. A arewa maso yammacin kasar dubunnan jama'a suna matukar bukatar ruwa da abinci.

Jami'ai sun ce yawancin rijiyoyi sun gurbace, don haka akwai barazanar yaduwar cututtukan da ake samu ta ruwan sha.

Sakataren Majalisar Dinkin Duniya Ban Ki-moon, ya tura da jakada na musamman Pakistan din domin taimakawa wajen neman agaji daga kasashen duniya.

Sassa daban-daban na tsakiya da kuma kudancin Pakistan na fama da wannan masifa ta ambaliyar ruwa wacce ta yi sanadiyyar mutuwar dubban mutane.

Agajin abinci

Ambaliyar ta tilastawa miliyoyin mutane barin gidaje, kuma babban abin da ya fi damunsu shi ne rahin abinci.

Ambaliyar Pakistan ta ritsa da mutane miliyan 4

Yara da dama ne ke bukatar agajin gaggawa sakamakon matsalar

Wadansu masu kai ajagajin gaggawa na kai agajin , sai dai dubban jama'a sun ce basu samu wani agajin a zo a gani ba.

Sai dai wani mai bada agaji, Fazle Mulla, yace suna baiwa mutane da dama abinci

"Muna baiwa mutumin da duk ya nuna mana katin shaida wato ID Card, kilo tamanin na filawa, da kuma kwalin biskit sittin, da dai sauran kayayyaki."

Sai dai duk da haka ana ci gaba da sheka ruwan sama.

Yaran da ambaliyar ruwa ta rutsa da su a Pakistan

  • Yaran da ambaliyar ruwa ta rutsa da su a Pakistan
    Majalisar dinkin duniya ta yi kiyasin cewa ambaliyar ruwan da ta faru a Pakistan ta shafi kimanin mutane sama da miliyan hudu. Ahmed Reza ne ya dauko mana hotuna.
  • Yaran da ambaliyar ruwa ya rutsa da su a Pakistan
    Ambaliyar ruwan ta mamaye yankuna da dama a kudancin Punjab. A arewa maso yammacin kasar dubunnan jama'a suna matukar bukatar ruwa da abinci.
  • Yaran da ambaliyar ruwa ya rutsa da su a Pakistan
    Sakataren Majalisar Dinkin Duniya Ban Ki-moon, ya tura da jakada na musamman Pakistan din domin taimakawa wajen neman agaji daga kasashen duniya.
  • Yaran da ambaliyar ruwa ya rutsa da su a Pakistan
    Sassa daban-daban na tsakiya da kuma kudancin Pakistan na fama da wannan masifa ta ambaliyar ruwa wacce ta yi sanadiyyar mutuwar dubban mutane.
  • Yaran da ambaliyar ruwa ya rutsa da su a Pakistan
    Ambaliyar ta tilastawa miliyoyin mutane barin gidaje, kuma babban abin da ya fi damunsu shi ne rahin abinci.
  • Yaran da ambaliyar ruwa ya rutsa da su a Pakistan
    Wadansu masu kai ajagajin gaggawa na kai agajin , sai dai dubban jama'a sun ce basu samu wani agajin a zo a gani ba.
  • Yaran da ambaliyar ruwa ya rutsa da su a Pakistan
    Shugaban masu bada agajin gaggawa na majalisar Dinkin Duniya, Manuel Bessler, ya ce halin da mutanen da basu samu abincin ba suka samu kansu a ciki abin dubawa ne.
  • Yaran da ambaliyar ruwa ya rutsa da su a Pakistan
    Manuel Bessler ya ce suna duba wannan batun ne musamman ta yadda ya shafi wadanda suka rasa gidajensu, da kuma sauran abubuwan bukatunsu.
  • Yaran da ambaliyar ruwa ya rutsa da su a Pakistan
    Zai dauke su wasu makonnin kafin samun inda za a tsugunar da su, inda za a samar musu da tantuna, da kuma wajen kwana.
  • Yaran da ambaliyar ruwa ya rutsa da su a Pakistan
    Shugaban majalisar Dinkin Duniya, Ban Ki Moon, ya aika da manzo na musamman, Jean-Maurice Ripert, don neman goyon bayan kasashen duniya wajen agazawa kasar ta Pakistan.

Abin damuwa

Kuma shugaban masu bada agajin gaggawa na majalisar Dinkin Duniya, Manuel Bessler, ya ce halin da mutanen da basu samu abincin ba suka samu kansu a ciki abin dubawa ne.

Ya ce muna duba wannan batun ne musamman ta yadda ya shafi wadanda suka rasa gidajensu, da kuma sauran abubuwan bukatunsu.

Don haka zai dauke mu wasu makonnin kafin samun inda za a tsgunar da su, inda za a samar musu da tantuna, da kuma wajen kwana.

Shugaban majalisar Dinkin Duniya, Ban Ki Moon, ya aika da manzo na musamman, Jean-Maurice Ripert, don neman goyon bayan kasashen duniya wajen agazawa kasar ta Pakistan.

BBC navigation

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.