Masu tallafawa FIFA da kudi sun nuna damuwa akan hukumar

Hakkin mallakar hoto AFP

Manyan masu tallafawa hukumar dake kula da kwallon kafa ta duniya FIFA wato kamfanonin Coca Cola dana Adidas sun nuna damuwarsu akan irin takaddamar da ta kewaye hukumar kwallon kafar.

Kamfanin Cola Cola ya ce zargin cin hanci abu ne mai takaici, yayin da shi ma kamfanin Adidas ya ce wannan ba abu ne mai kyau ga harkar kwallon kafa ba, balle ga hukumar kanta.

Shugaban hukumar Sepp Blattter ya musanta batun cewa hukumar na cikin rikici, inda ya ce koma da hakan ne, hukumar zata iya warware matsalardta da kanta.

Sai dai fitar da jawaban da kamfanonin Coca Cola da na Adidas suka yi na tabbatar da cewa hukumar kula da kwallon kafar na da matsala, wadda kuma za su so ganin an warware ta.