BBC navigation

An yake wa mutane sha hudu hukuncin kisa a Masar

An sabunta: 14 ga Agusta, 2012 - An wallafa a 18:01 GMT
Shugaba Morsi na Masar

Shugaba Morsi na Masar

Wata kotu a Masar ta yankewa wasu musulmi 'yan bindiga su goma sha hudu hukuncin kisa saboda samun su da laifin kai hari bara a arewacin Sinai, inda 'yan sanda da dama suka mutu.

An kuma tuhumi mutanen da kirkirar wata haramtaciyyar kungiya mai suna Al Tawheed wa al Jihad.

Hukuncin na zuwa ne bayan wani hari da ake zargin musulmi ne suka kai a makon daya gabata a yankin na Sinai, inda jami'an tsaro goma sha shida suka hallaka.

Shugaban Kasar Masar Mohammed Morsi ya aiwatar da garambawul a rundunar sojin Kasar bayan harin.

A halin da ake ciki Amurka ta ce zata ci gaba da aiki da shugabannin kasar ta Masar, fararen hula da kuma sojojin.

Ranar Lahadi ne sabon shugaban kasar ta Masar, Mohammed Morsi ya kori ministan tsaron kasar , mai karfin fada-aji, Fil Mashal Hussein Tantawi, wanda ya rike ragamar mulkin kasar, har zuwa zaben

da aka gudanar, tun daga faduwar gwamnatin shugaba Hosni Mubarak.

Kari a kan wannan labari

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.