BBC navigation

An kashe sojan Burtaniya 2 a Afghanistan

An sabunta: 16 ga Satumba, 2012 - An wallafa a 07:59 GMT

Wani sojan Burtaniya a Lardin Helmand na Afghanistan

Wani mutum sanye da kayan 'yan sandan Afghanistan ya bindige sojojin Burtaniya 2 har lahira a wani wurin bincike da aka kafa a Kudancin kasar ta Afghanistan.

Sai dai an kashe wanda ya kai harin a musayar wutar da aka yi wadda ta zo kwana daya bayan mayakan Taliban su kashe wasu Sojan Amurka 2 a lardin Helmand.

A bana dai an samu karuwar hare-haren da jami'an tsaron kasar ke kaiwa dakarun kasashen waje.

Tun farkon wannan watan, jami'an Amurka a Kabul sun sanarda wani shiri na bincike mai tsauri cikin rundunar 'yan sandan kasar ta Afghanistan, sun kuma dakatar da horarda wasu sabbin kurata.

Kari a kan wannan labari

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.