BBC navigation

Jiragen ruwan yaki 30 sun taru a gabar teku Bahrain

An sabunta: 17 ga Satumba, 2012 - An wallafa a 09:06 GMT
Jirgin ruwan yakin Amurka a kan teku

Jirgin ruwan yakin Amurka a kan teku

Jiragen ruwan yaki kimanin talatin ne suka taru a gabar tekun kasar Bahrain, domin gano tare da kawar da nakiyoyin da aka dasa a cikin ruwa.

Kasar Amurka ce ke jagorantar jiragen ruwan yakin daga kasashen duniya 30.

Hakan dai na zuwa ne a dai-dai lokacin da ake cikin wani yanayi na damuwa a yankin game da shirin nukiliyar kasar Iran.

Rundunar mayakan ruwan ta Amurkar ta bayyana atisayen na cire nakiyoyin, a matsayin mafi girma da aka taba gudanar wa a yankin Gabas ta Tsakiya.

Inda ta ce jiragen za su yi gwajin ne ta yadda za su iya tunkarar duk wani harin nakiyoyi, tare da share hanyoyin dake cikin tekun.

Mahukuntan kasar Iran dai sun jaddada cewa shirin nukiliyar na lumana ne, amma kasashen yammacin duniya na kallon sa da wata siga ne, inda suke zargin cewa kasar na yunkurin kera makaman nukiliyar ne.

Kari a kan wannan labari

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.