BBC navigation

Turkiyya: majalisa tace a ɗau mataki akan Syria

An sabunta: 4 ga Oktoba, 2012 - An wallafa a 13:55 GMT

Kan iyakar Turkiyya da Syria

Majalisar dokokin Turkiyya ta bada iznin gudanar da ayyukan soji a ƙasar Syria dake maƙwabtaka, bayan wani harin roka da aka ƙaddamar daga Syrian, wanda yai sanadiyyar mutuwar Turkawa biyar.

Yanzu dai ƙudurin dokar ya baiwa gwamanti iko na shekara guda, tayi amfani da dakarunta akan tsallaken iyaka, idan har hakan ya zama wajibi.

Tuni dai Turkiyya ta maida martani game da harin na ranar laraba da aka kai akan ƙauyen Akakale dake ƙasar, inda ta harba makaman atilare akan Syria cikin dare.

Sai dai mataimakain Prime Ministan Turkiyyan yace ƙuri'ar da 'yan majalisar suka ƙada na amincewa da buƙatar tura sojojin, ba wai tana nuna za a tafi yaƙi ba ne.

Kuma mataimakin Prime ministan na Turkiyya yace, tuni Syria ta nemi afuwa dangane da abinda ya faru, kuma yace, duk matakin da zasu dauka zai zama da haɗin gwiwar majalisar ɗinkin duniya.

Ɓangarorin biyu dake maƙwabtaka da juna dai sun daɗe ba sa ga maciji.

Turkiyya dai ta sha fitowa fili tana nuna adawa da gwamnatin Syria take murƙushe masu yi mata tawaye.

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.