Syria: 'An gabatar da rahoton son zuciya'

Image caption Rasha da Amurka sun raba gari kan Syria

Syria ta baiwa Rasha wasu sabbin shaidun dake nuna cewa 'yan tawaye ne suka yi amfani da makamai masu guba a harin ranar 21 ga watan Agusta.

Mataimakin ministan harkokin wajen Rasha Sergei Ryabkov ne ya bayyana hakan.

Mr. Ryabkov wanda ya ziyarci Damascus a daren ranar Talata, ya ce gwamnatin Syria ta gabatar da kwararran hujjojin da kwararrun Rasha suka amince dasu.

Rasha ta zargi masu bincike na Majalisar Dinkin Duniya a kan samar da rahoto na son zuciya na bangare daya a kan amfani da makamai masu guba a Syria.

Mr. Ryabkov ya nuna takaici game da kin ziyartar wurare uku da masu bincike suka yi.

Karin bayani