An kori ministar sadarwar Ghana

Image caption Victoria Hammah

An kori Ministar sadarwar kasar Ghana, Victoria Hammah bayanda aka dauki muryarta tana cewar za ta ci gaba da siyasa har sai ta mallaki dala miliyan daya.

A muryarta da aka rarraba a Ghana ta ce " idan mutum nada kudi, zai iya juya mutane".

Kawo yanzu Ms Hammah bata maida martani ba a kan wannan sakon ko kuma korarta da aka yi.

Wakilin BBC a Accra ya ce ta taka muhimmiyar rawa wajen sake zaben Shugaba John Mahama a bara.

A watan Agusta, ta ce tana fuskantar matsin lamba a kan ta saci kudin gwamnati saboda mutane sun zaci tana da arziki.

Karin bayani