Za a daina amfani da kudi na 'leda' a Nigeria

Image caption Kudin Nigeria

Za a koma amfani da kudin takarda a Nigeria, don kawo karshen amfani da wasu kudi na leda.

A shekara ta 2007 ne aka mayar da naira 5 da 10 da 20 da 50 suka zama na leda.

Amma a yanzu bayan shekaru shida, za a mayar da kudin su kara komawa na takarda.

Babban bankin Nigeria- CBN wanda ya bada sanarwar, ya ce sun gano cewar yanayi na zafi a Nigeria na saurin lalata takardun kudin na leda.

A halin yanzu dai kudaden da suke na takarda a Nigeria sune; 100, N200, N500 da kuma N1,000.

Kakakin CBN Ugochukwu Okoroafor, ya shaidawa kamfanin dillancin labarai na AFP cewar "kudi na leda na saurin kodewa".

Karin bayani