An kashe masu aikin Polio a Pakistan

Hakkin mallakar hoto AFP
Image caption Masu rigakafin Polio na cikin hatsari a Pakistan

An kashe mutane bakwai a Pakistan a wani harin bom da aka kai wa jami'an tsaron ma'aikatan rigakafin Polio a arewa maso yammacin kasar.

Harin ya kashe 'yan sanda shida da yaro daya a garin Charsadda.

Akalla wasu mutanen tara ne kuma suka jikkata.

Harin na zuwa ne kwana guda bayan dakatar da rigakafin Polio a birnin Karachi dake kudancin kasar sanadiyyar kashe masu aikin rigakafin su uku.

A baya dai 'yan bindigar Taliban sun yi ikirarin kashe jami'an kiwon lafiyar saboda kallon da suke wa aikin rigakafin Polio a matsayin mafakar 'yan leken asirin kasashen duniya.

Karin bayani