Taliban ta kama karen Amurka na 'leken asiri'

Hakkin mallakar hoto Reuters
Image caption Karen dai yana yin leken asiri ne

Kungiyar Taliban ta ce ta kama wani kare na dakarun sojin Amurka da ke aiki a gabashin Afghanistan.

Wani hoto da aka wallafa a shafin Twitter ya nuna wani dan kwikwiyo mai launin ruwan kasa sanye da bakar laya a wuya.

Kungiyar ta Taliban ta ce ta kama karen, wanda ake yi wa lakabi Kanal, yayin da aka kai wani samame da daddare a watan Disamba yana dauke da karamar kamara da na'urar da ke tantance inda mutane suke.

Taliban ta kuma nuna makaman da ta kwace lokacin samamen -- yawancinsu irin wadanda dakarun Amurka na musamman ke amfani da su ne.

Karin bayani