'Yan Boko Haram sun kai hari a Kamaru

Hakkin mallakar hoto AFP
Image caption Abubakar Shekau da sauran 'yan Boko Haram

Wasu mutane da ake zargin 'yan kungiyar Boko Haram ne sun kai wa barikin jami'an tsaro na jandarma hari a birnin Kousseri na Kamaru.

Rahotannin sun ce an yi harbe-harbe da bindigogi abinda ya janyo mutuwar jami'an tsaro biyu sannan kuma 'yan kungiyar Boko Haram suka samu fidda 'ya'yansu biyu da ake tsare da su a wannan barikin.

Yankin arewacin Kamaru ya kasance inda ake tashin hankali tsakanin jami'an tsaro da 'yan Boko Haram wadanda ake zargin sun tsallaka daga Nigeria zuwa kasar ta Kamaru.

Hukumomi a Nigeria sun bukaci gwamnatin Kamaru ta basu hadin kai a kokarinsu na yaki da Boko Haram.

A cikin farko watan Afrilu aka sace wasu fadan coci a arewacin Kamaru su biyu sannan kuma a bara 'yan Boko Haram sun sace iyalan wasu Faransawa a arewacin Kamarun.

Karin bayani