Limamai sun ba Jonathan zabi kan tsaro

Malaman sun bukaci Shugaba Jonathan da ya tashi tsaye akan tabarbarewar tsaro
Bayanan hoto,

Malaman sun bukaci Shugaba Jonathan da ya tashi tsaye akan tabarbarewar tsaro

Kungiyar malamai da limamai a Nigeria ta bukaci shugaban kasar Goodluck Jonathan da manyan jami'an tsaro da su hanzarta magance matsalar tabarbarewar tsaro ko kuma su ajiye ayyukan su.

A wata ganawa da manema labarai ta musamman a Kaduna tare da hadin gwiwar kungiyar musulmi dalibai ta arewacin Najeriya, malamai da limaman sun nuna damuwa a bisa yadda gwamnati ke tunkarar batun hare haren ta'addanci a kasar.

Haka kuma malaman sun bukaci gwamnati da yiwa 'yan kasar cikakken bayanai dangane da wasu al'amurra da ke wakana a kasar masu nasaba da tsaron musamman batun wani jirgin sama daga Najeriya da aka kama dauke da kudade a Afurka ta Kudu.

Yankin arewacin Nigeria dai na fama da matsalar hare haren 'yan kungiyar Boko Haram wanda ya yi sanadiyyar mutuwar mutane dama dama.