'An shawo kan Ebola a Nigeria da Senegal'

  • 22 Satumba 2014
Hakkin mallakar hoto
Image caption Mutane 2,800 ne suka mutu sakamakon kamuwa da cutar Ebola

Hukumar lafiya ta duniya WHO ta ce an shawo kan barkewar cutar Ebola a kasashen Nigeria da Senegal cikin kasashe biyar da cutar ta bulla a yammacin Afirka.

Amma WHO ta ce gabaki-dayan yawan mutanen da suka mutu sun karu zuwa kusan mutane 2,800.

A Kasar Saliyo, Shugaban cibiyar ayyukan gaggawa akan cutar Ebolan Stephen Gaojia ya ce an sami nasarar shawo kan cutar bayan da aka kawo karshen dokar hana fitar da aka sanya a Kasar a ranar Lahadi.

Hukumomin Kasar Saliyo sun sami mutane 130 dake dauke da cutar a lokacin da dokar ke aiki.