An kori wasu jami'an gwamnatin Malaysia

Ana zargin Mr Najib da satar kudin kasar.
Bayanan hoto,

Ana zargin Mr Najib da satar kudin kasar.

Firai Ministan Malaysia, Najib Razak, ya kori mataimakinsa da Antoni-Janar bayan da suka zarge shi da cin hanci da rashawa.

An kori mataimakin Firai Ministan ne bayan ya fito bainar jama'a ya bukaci Mr Najib ya yi cikakken bayani a kan yadda ya tafiyar da wasu kudade daga asusun zuba jari.

A farkon watan nan, jaridar Wall Street Journal ta yi zargin cewa an kwashe kusan $700m daga asusun, sannan aka sanya su a asusun Firai Minista Najib na kashin kansa.

Antoni-Janar ne dai ke gudanar da bincike a kan batun.

Mr Najib ya musanta zargin da ake yi masa.