Gane Mani Hanya 27/03/2021

Gane Mani Hanya 27/03/2021

A Najeriya, duk da cewa da sauran tafiya dangane da babban zaben kasar na shekara ta 2023, za a iya cewa an fara kada gangar siyasa.

Kuma a halin da ake ciki, manyan jam`iyyun siyasar kasar biyu, APC da PDP na neman yadda za su tunkuri batun shiyyar da za su ba da takarar shugaban kasa.

Tsohon gwamnan jihar Kano, Senata Rabi`u Musa Kwankwaso, jigo ne a jam`iyyar PDP, wanda kuma kan yi gaba-gadi wajen fadar ra`ayinsa na siyasa.

A filin gane-mani-hanya na wannan makon, Ibrahim Isa ya tatattauna da tsohon gwamnan na Kano a kan maganar takarar shugaban kasa, musamman ma shiyyar da ya kamata jam`iyyar PDP ta kebe wa kujerar.

Amma ya fara ne da bayyana ra'ayinsa a kan wadansu batutuwa da suka shafi jihar ta Kano, musamman ma shirin rancen naira biliyan ashirin da gwamnatin jihar za ta karba domin gina wata gada da za ta hada birnin Kano da hanyar zuwa Wudil, da ya ce ba dai-dai ba ne: