BBC navigation

Terry ba zai samu buga wasan Ingila da Ukraine ba

An sabunta: 9 ga Satumba, 2012 - An wallafa a 16:12 GMT

John Terry yana mamakin ba shi jan kati

Mai tsaro gida na Ingila John Terry ba zai samu damar buga wasan neman cancantar shiga gasar cin kofin duniya da kasarsa za ta buga da Ukraine ba ranar Talata.

Terry wanda Kyaftin din Chelsea ne dai ya kasa warkewa daga wani rauninda ya samu a kafarsa ne, sa'adda Ingila din ta doke Maldove da ci 5-0 ranar Jumu'a.

Akwai yiwuwar za a maye gurbinsa da takwaransa da kulob din Chelsea Gary Cahill, kodayake shima mai tsaron gidan Everton Phil Jagielka yana cikin wadanda za a iya zaba domin tsayawa tare da Joleon Lescott wajen tsaron gidan Ingila a wasan.

Dama dai Koch Roy Hodgson ya rasa 'yan wasa uku daga cikin wadanda ya zabo domin buga wasa da Ukraine din; da suka hada Ashley Cole, da Adam Johnson da kuma Wayne Rooney sakamakon raunukkanda suke da su.

Kari a kan wannan labari

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.