BBC navigation

Hillsborough: Iyalai na so a kai batun gaban kotu

An sabunta: 13 ga Satumba, 2012 - An wallafa a 08:19 GMT
Bikin tunawa da mutuwar masoya wasan kwallo a Hillsborough

Bikin tunawa da mutuwar masoya wasan kwallo a Hillsborough

Iyalan masoya wasan kwallon da suka mutu a Hillsborough a shekarar 1989, sun bukaci a mika batun kotu don hukunta wadanda ke da laifi a bala'in.

Hakan ya biyo bayan wani rahoton da aka fitar wanda ya nuna cewa akwai sakaci a al'amarin.

Rahoton dai mai zaman kansa ya gano cewa 'yan sanda sun yi sakaci wajen ceton mutane 96 da aka tattake, kuma sun sauya bayanan shaidu, inda suka dora laifin a kan masoyan kulob din Liverpool.

Wani mutum, Trevor Hicks wanda 'ya'yansa mata biyu suka mutu lamarin ya ce, yanzu lokaci ya yi da gwamnatin za ta gyara al'amura.

Haka ma shugaban 'yan sanda a kudancin Yorkshire, David Crompton ya ce, idan 'yan sanda sun karya doka to ya zama dole a hukunta su.

Firai ministan Birtaniya, David Cameron ya ce atoni janar Dominic Grieve, zai sake duba rahoton cikin dan karamin lokaci, don tantance ko ya kamata a mika batun babbar kotu a kasar ko kuma a sake wani bincike.

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.