Kone zai ci gaba da wasa a Sunderland

Hakkin mallakar hoto Getty Images
Image caption A watan Janairu ne Sunderland ta dauki Kone daga kungiyar Lorient mai buga gasar Ligue 1 ta Faransa.

Mai tsaron baya na Sunderland, Lamine Kone, ya sabunta yarjejeniyar ci gaba da taka-leda a kungiyar zuwa shekara biyar.

Dan kwallon tawagar Ivory Coast, mai shekara 27, ya nemi izinin barin kungiyar a cikin watan Agusta a lokacin Everton na zawarcinsa.

A watan Janairu ne Sunderland ta dauki Kone daga kungiyar Lorient mai buga gasar Ligue 1 ta Faransa.

Sunderland za ta ziyarci Tottenham a gasar Premier wasan mako na biyar a ranar Lahadi.