Song ya farfado daga suman kwana biyu da ya yi
Hakkin mallakar hoto
Carl De Souza/Getty
Tsohon dan wasan tawagar kwallon kafa ta Kamaru, Rigobert Song, ya farfado daga suman kwana biyu da ya yi, za kuma a kaishi Faransa yin magani.
A ranar Lahadi aka kai Song mai shekara 40 babban asibitin Yaounde bayan da ya fadi magashiyan.
Dakta Louis Joss Bitang A Mafok, daraktan babban asibitin Yaounde ya ce tuni aka cire masa abin da ke taimaka masa nunfashi.
Likita Mafok ya kara da cewar za a kai Song Faransa domin a duba lafiyarsa.
Song ya buga wa tawagar kwallon kafa ta Kamaru wasanni 137, ya kuma taka leda a Liverpool da West Ham United.
Yanzu haka yana aiki a matsayin kociyan hukumar kwallon kafa ta Kamaru, bayan da ya bar aikin horar da Chadi.