Chelsea ta ci gaba da zama a kan teburin Premier
Asalin hoton, Reuters
Chelsea ta ci wasanni bakwai a jere
Kungiyar Chelsea ta ci gaba da zama a mataki na daya a kan teburin Premier, bayan da ta ci Tottenham 2-1 a wasan mako na 13 da suka yi a ranar Asabar.
Tottenham ce ta fara cin Chelsea kwallo ta hannun Christian Eriksen tun a minti na 11 da fara tamaula.
Sai dai kuma daf da za a je hutu Pedro ya farke kwallon.
Victor Moses ne ya ci wa Chelsea kwallo na biyu, wanda hakan ya bai wa kungiyar damar hada maki uku a fafatawar.
Chelsea tana kan teburin Premier da maki 31, sai Liverpool ta biyu da maki 30, yayain da Manchester City ke matsayi na ita ma da maki 30.