Madrid ta fara kare kambunta da nasara

  • 13 Satumba 2017
Hakkin mallakar hoto Getty Images
Image caption Madrid ta ci kofin Zakarun Turai biyu a jere tana kuma da shi 12 jumulla

Real Madrid mai rike da kofin Zakarun Turai ta fara kare kambunta da kafar dama, bayan da ta ci Apoel Nicosia 3-0 a karawar da suka yi a wasan rukuni na takwas a ranar Laraba.

Real mai kofin zakarun Turai 12 jumulla ta fara cin kwallo ta hannun Cristiano Ronaldo tun kan a je hutu, bayan da aka dawo ne ya kara na biyu a bugun fenariti sannan Sergio Ramos ya ci na uku.

Daya wasan na rukuni na takwas kuwa Tottenham ce ta doke Borussia Dortmund da ci 3-1 a Wembley.

Borussia Dortmund za ta karbi bakuncin Real Madrid a wasa na biyu na cikin rukuni, yayin da Apoel Nicosia za ta kece raini da Tottenham a Cyprus.

wasu daga sakamakon wasannin da aka yi:

  • Liverpool 2-2 Sevilla
  • Feyenoord Rotterdam 0-4 Manchester City
  • FC Porto 1-3 Besiktas
  • NK Maribor 0-1 Spartak Moscow
  • Shakhtar Donetsk 2-1 Napoli
  • RB Leipzig 1-1 Monaco

Labarai masu alaka