Na kunyata masu sukata — Wenger

Arsenal Hakkin mallakar hoto Getty Images
Image caption Arsenal tana mataki na biyar a kan teburin Premier bayan wasa 10 da ta buga

Kocin Arsenal, Arsene Wenger ya ce ya rufe bakin masu sukarsa karo biyu a jere da ake fara cinsu a wasa daga baya su farke su yi nasara.

Arsenal ta yi nasarar doke Swansea City da ci 2-1 a gasar Premier wasan mako na 10 da suka yi a ranar Asabar, kuma Swansea ce ta fara cin kwallo.

Wenger ya ce Arsenal ta saka kwazo bayan da aka zura mata kwallo ta farke ta kuma yi nasara a karawa da Swansea da kuma Everton a Premier da Norwich a gasar kofin Caraboa.

Kocin wanda ya ja ragamar Arsenal wasa na 800 a ranar Asabar ya kuma ce sun nuna kwarewar lashe wasa, musamman ace kai aka fara ci ka farke sannan kayi galaba.

Wenger ya kara da cewar ya kunyata masu sukarsu tun a wasan Everton da Norwich da kuma wanda suka yi da Swansea.

Labarai masu alaka