Watakila Kane ya buga wasa da Madrid — Pochetino

Tottenham Hakkin mallakar hoto EPA
Image caption Kane ya ci kwallo biyar a wasa uku da ya buga a gasar cin kofin Zakarun Turai

Kocin Tottenham, Mauricio Pochettino yana da tabbacin cewar Harry Kane zai murmure domin buga gasar Zakarun Turai da za su kara da Real Madrid a ranar Laraba.

Kane ya ci wa Tottenham kwallo 13 a wasa 12 da ya buga wa kungiyar a bana, amma bai buga karawar da Manchester United ta doke su daya mai ban haushi a ranar Asabar a Premier ba.

Dan wasan ya buga atisaye a ranar Talata ana kuma sa ran zai iya fuskantar Real Madrid wacce suka tashi 1-1 a fafatawar da suka yi a Bernabeu.

Pochettino ya ce da sunan Kane a cikin wadanda za su kara da Madrid, kuma zai iya buga wasan amma ba shi da tabbaci dari bisa dari cewar zai saka shi a gumurzun.

Tottenham da Real Madrid suna mataki na daya da maki bakwai, sai Borussia Dortmund da Apoel Nicosia da suke biye da su.

Labarai masu alaka