Antonio Conte ya raina ni — Mourinho

Jose Mourinho Hakkin mallakar hoto Getty Images
Image caption Mourinho yana so ya daina kai ruwa-rana da Conte

Kocin Manchester United Jose Mourinho ya ce yana ganin kocin Chelsea Antonio Conte ya "raina" shi bayan shugabannin biyu sun yi sa-in-sa.

Ranar Talata Conte ya ce ba zai taba mantawa da takaddamar da ke tsakaninsa da abokin hamayyarsa ba.

Sai dai ranar Juma'a Mourinho ya ce: "Ina tsammanin idan mutum ya ci zarafin wani, ya kamata ya ba shi hakuri idan ba haka ba ya raina shi shi ya sa zai yi shiru.

"Karon farko da [Conte] ya zage ni na yi masa raddin da na sani cewa ya yi masa kuna."

Ya kara da cewa: "Ya sake zagi na karo na biyu, amma yanzu na sauya. A gare ni, hakan raini ne."

Wannan dai wani yunkuri ne da Mourinho ke yi na ganin an kawo karshen ce-ce-ku-cen da ke tsakaninsu.

Labarai masu alaka